Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст

Апрель 6, 2024 09:57

ДУШАНБЕ, 06.04.2024 /АМИТ «Ховар»/. 1 апрел дар тамоми  шаҳру ноҳияҳои мамлакат маъракаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон оғоз гардид, ки то 31 май идома меёбад. Имсол шаҳрвандони солҳои таваллуди 1997-2006 ба хизмати ҳарбӣ даъват мегарданд.  Солҳои охир ҷавонони далери мамлакат ба таври ихтиёрӣ ба хизмати Ватан-Модар ҳозир мешаванд.

Ташаббуси ихтиёран ҳозир шудани ҷавонписарон ба комиссариатҳои ҳарбии шаҳру ноҳияҳои мамлакат барои адои хизмати ҳатмии ҳарбӣ дар сафи Қувваҳои Мусаллаҳи мамлакат далели он аст, ки имрӯз ҷавонони шуҷои тоҷик аз сиёсати хирадмандона ва дурбинонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамаҷониба пуштибонӣ менамоянд.

Ҷумҳурии Тоҷикистон дорои артиши пурқудрат буда, хизмат дар он вазифаи муқаддаси ҳар шаҳрванди комил ба ҳисоб меравад. Дар ин мактаби ҷасорату мардонагӣ маҳз сарбозон ва афсарони содиқи Ватан обутоб ёфта, барои ҳифзи марзу буми ҷумҳурӣ омода мешаванд. Ҳанӯз аз даврони соҳибистиқлолии мамлакат фарзонафарзандони ин меҳан марзу буми ҷумҳуриро баробари ҷон ҳифз менамоянд.

Мавриди гуфтан аст, ки имрӯз ҷомеаи ҷаҳон дар байни бархӯрд ва пайомадҳои даҳшатборе қарор дорад, ки таъсири онҳо ба мамлакатҳои амну осоишта низ мерасад. Албатта, ин бархӯрд ва низоъҳои сиёсӣ ба ҷумҳурии соҳибистиқлоли мо низ хатарзо мебошанд. Бо ин мақсад моро зарур аст, ки хизмат дар сафи Қувваҳои Мусаллаҳро бо иродаи қавӣ ва ҳисси баланди ватандӯстӣ адо намуда, баҳри ҳифзи марзу буми сарзаминамон устуворона қадам гузорем.

Ҳамасола даъват ба сафи Қувваҳои Мусаллаҳи мамлакат аввали моҳи апрел оғоз меёбад. Мо, ҷавононро зарур аст, ки бо шиори мардонагиву матонат ҳамчун сарбози содиқи Ватан ба хизмати ҳарбӣ раҳсипор гардем. Зеро ҳимояи Ватан, марзу бум ва обу хоки ин сарзамин барои мо муқаддас аст. Артиши миллӣ мактаби мардонагиву матонат, шарафу номус ва ҷасорат буда, хизмат дар он қарзи шаҳрвандии ҷавонон мебошад.

Дар ҳамин раванд бо ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо барои сарбозону афсарони Қувваҳои Мусаллаҳи Ҷумҳурии Тоҷикистон шароити хуби модиву маънавӣ фароҳам оварда шудааст, ки ба хизмати ватандӯстона ва  садоқатмандонаи онҳо мусоидат менамояд. Имрӯз ҷавонон бояд аз фурсати муносиб истифода намуда, дар пайравӣ ба сиёсати оқилонаи Пешвои миллат муҳтарам Эмомалӣ Раҳмон бо ҳисси баланди ватандӯстӣ дар сафи Қувваҳои Мусаллаҳи Тоҷикистон хизмат намоянд.

Президенти Тоҷикистон муҳтарам Эмомалӣ Раҳмон бо боварии комил дар ҳар суханрониашон иброз менамоянд, ки ҷавонон зери таваҷҷуҳи давлату ҳукумат қарор дошта, сол то сол мақоми онҳо дар ҷомеа баланд меравад. Аз ин рӯ мо, ҷавонон ба қадри ин неъматҳо ва ғамхориҳои Сарвари давлат бояд расида, хизмат дар сафи Қувваҳои Мусаллаҳро шараф, номус ва масъулияти шаҳрвандӣ дониста, онро бо сари баланд ба ҷо орем. Ҳамзамон мо вазифадор ҳастем, ки бо ҳисси баланди ватандӯстӣ ва хештаншиносӣ дар пойдории сулҳу суботи ҷумҳурӣ саҳм гузорем. Албата, ин ватани мо, марзи номуси мо аст ва  мо бояд бо ғурури ватандӯстона баҳри ҳимояи ин давлату миллат сар барорем. Ба ҷуз аз мо ҳеҷ бегонае ин корро анҷом намедиҳад.

Ҳар ҷавони зодаи истиқлол бо дарки масъулияти шаҳрвандӣ  бояд хизмат дар сафи Қувваҳои Мусаллаҳи Ҷумҳурии Тоҷикистонро масъулияти аввалиндараҷа ҳисобида, баҳри ҳимояи марзу буми Ватан сина сипар намояд. Бо хизмат дар сафи Қувваҳои Мусаллаҳи Тоҷикистон ҷавонон сазовори боварии Пешвои миллат мегарданд.

Муҳаммад АМИНЗОД,
котиби матбуоти Академияи миллии илмҳои Тоҷикистон 

АКС аз бойгонӣ

Апрель 6, 2024 09:57

Хабарҳои дигари ин бахш

Камол Насрулло: «Имрӯз миллати тоҷик бо эътиқоду эътимоди нав рӯ ба «Шоҳнома» овардааст»
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
ШУМОРАИ ХОҶАГИҲОИ ТУХМИПАРВАРӢ ДАР ТОҶИКИСТОН БА 128 АДАД РАСИД. Аммо норасоии тухмии зироати кишоварзӣ то ба ҳол боқӣ аст
Рушди дипломатияи варзишӣ ташаббуси нави ҷаҳонии Тоҷикистон аст
18 МАЙ-РӮЗИ БАЙНАЛМИЛАЛИИ ОСОРХОНАҲО. Онҳо ба мардум фароғати фарҳангӣ бахшида, бо таърих ва фарҳанги қадимӣ шинос менамоянд
ОСОРХОНА — ОИНАИ ТАЪРИХИ ХАЛҚ. Эҳдо ба Рӯзи байналмилалии осорхонаҳо
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
ҚАБУЛИ ҚОНУНИ МИЛЛӢ ДАР ТАҲРИРИ НАВ. Он ба таҳкими сатҳи маънавиёти шаҳрвандон ва некуаҳволии шахс, оила ва ҷомеа равона шудааст
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад