Раёсати Вазорати корҳои дохилӣ дар вилояти Хатлон муроҷиатҳоро тавассути суроғаҳои электронӣ қабул менамояд

Апрель 2, 2024 18:38

ДУШАНБЕ, 02.04.2024 /АМИТ «Ховар»/. Раёсати Вазорати корҳои дохилии Ҷумҳурии Тоҷикистон дар вилояти Хатлон дар доираи Барномаи давлатии ислоҳоти милитсия баҳри амалӣ намудани ҳамкории зич бо аҳолӣ вобаста ба баланд бардоштани нақши ҷомеаи шаҳрвандӣ дар таъмини тартиботи ҷамъиятӣ ва пешгирии ҳуқуқвайронкуниву ҷинояткорӣ, аз байн бурдани зуҳуроти  халалдоркунандаи тартиботу оромии ҷомеа, ҳамчунин сари вақт ва воқеӣ баррасӣ намудани арзу дархост ва пешниҳоду муроҷиатҳои шаҳрвандон қабули «Муроҷиати электронӣ»-ро тавассути суроғаҳои электронии ин раёсат амалӣ намуд. Дар ин хусус ба мухбири АМИТ «Ховар» дар Раёсати Вазорати корҳои дохилӣ дар вилояти Хатлон иттилоъ доданд.

Шаҳрвандон, сокинону меҳмонони вилояти Хатлон ва ҳамватанони бурунмарзӣ метавонанд арзу дархост ва пешниҳоду муроҷиатҳояшонро вобаста ба ҳолатҳои поймол гардидани ҳуқуқу манфиатҳояшон, дучор гардидан бо ҳолатҳои ҷинояткорӣ, хусусан ҷиноятҳои ба муқобили амнияти давлат равонагардидаи террористиву экстремистӣ, баргардонидани аъзои ташкилоти экстремистӣ-террористӣ аз хориҷи мамлакат, пешгирии ҳамроҳшавии ҷавонон ба ҳизбу ҳаракатҳои ифротӣ, ишғоли ғайриқонунии замин, вайронкунии Қоидаҳои ҳаркати роҳ ва қоидавайронкуниҳои дағали ҳаракат, вайронкунии Қоидаҳои ҷоришуда вобаста ба одоби шаҳрнишинӣ, аз қабили партофтани партовҳо дар ҷойҳои муқаррарнашуда ва ҳифзи санитарию гигиении аҳолӣ ба таври фаврӣ тариқи суроғаҳои электронӣ ва шабакаҳои иҷтимоӣ баён намоянд.

Суроғаҳои электронӣ:

Саҳифаи расмии Раёсат дар Facebook: Раёсати Вазорати корҳои дохилӣ дар вилояти Хатлон

Саҳифаи расмии Раёсат дар Instagram: khatlonpolice.tj

Почтаи электронӣ: khatlonpolice.tj@list.ru

Рақами Раёсат дар WhatsApp +992 551 12 02 02

Телефони боварии сардори Раёсати Вазорати корҳои дохилӣ дар вилояти Хатлон: 8322 2 13 13

АКС: Раёсати Вазорати корҳои дохилӣ дар вилояти Хатлон

Апрель 2, 2024 18:38

Хабарҳои дигари ин бахш

Дар Хатлон якчанд ноҳия даъвати баҳориро ба сафи Қувваҳои мусаллаҳи Ҷумҳурии Тоҷикистон ҷамъбаст намуданд
Дар шаҳри Бӯстон вохӯрии навбатии гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Тоҷикистон дар самти мубориза бо терроризму экстремизм яке аз давлатҳои пешсаф аст
10 АПРЕЛ-РӮЗИ ҚӮШУНҲОИ ДОХИЛИИ ТОҶИКИСТОН. Ба ташкили ин сохтори низомӣ 33 сол пур шуд
Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст
ТЕРРОРИЗМ ЧИСТ? ТЕРРОРИСТ КИСТ? Чаро як фард тамоми арзишҳои инсониро канор гузошта, ба ин роҳи манфур меравад?
Дар Истаравшан гурӯҳи нахустини ҷавонон ба сафи Қувваҳои Мусаллаҳ пайваст
Дар Душанбе масъалаи татбиқи марҳилаи дуюми низоми «Шаҳри бехатар» баррасӣ шуд
Дар Суғд нахустин гурӯҳи даъватшавандагонро ба таври тантанавӣ ба хизмати ҳарбӣ гусел намуданд
Ҷавонписарони сарбаланди шаҳри Роғун хизмат дар сафи Артиши миллиро барои худ шараф медонанд
Модарони ноҳияи Варзоб фарзандонашонро бо дуои нек ба хизмати Ватан-Модар гусел намуданд