Ширкати МегаФон Тоҷикистон бахшида ба Рӯзи пойтахти Тоҷикистон — Душанбе туҳфа намуд
ДУШАНБЕ, 24.04.2024 /АМИТ «Ховар»/. Ширкати «МегаФон Тоҷикистон» бахшида ба Рӯзи пойтахт бо ташкили вохӯрии сокинони Душанбе бо кайҳоннаварди рус Петр Дубров туҳфаҳо тақдим намуд. Меҳмонони «Академияи МегаФон» ва инчунин хонандагони мактаби Русияву Тоҷикистон ба номи Ю.А.Гагарин тавонистанд дар бораи ҳаёт дар бевазнӣ маълумот гиранд.
Петр Дубров дар байни русҳо аз рӯи давомнокии ҳузури муттасил дар Пойгоҳи байналмилалии кайҳонӣ рекорд гузошта, он ҷо 355 шабонарӯз қарор дошт. Дар ин муддат ӯ чор маротиба ба фазои кайҳонӣ баромада, дар кори банаворгирии филми бадеии «Вызов» иштирок намудааст.
«Замини мо аз кайҳон ҳар рӯз дар шакли гуногун ба назар мерасад. Ин манзараи аҷибест, ки шахсро дилгир карда наметавонад!»,- иброз дошт таассуроташро Қаҳрамони Русия ба иштирокчиёни вохӯриҳо. Душанбегиҳо фаҳмиданд, ки кайҳоннавардон чӣ тавр омода карда мешаванд ва худи Пётр Дубров, ки аз рӯи ихтисос муҳандис-барномасоз аст, чӣ гуна кайҳоннавард шуда тавонист.
Аксарият ба ҳаёту будубоши кайҳоннавардон таваҷҷуҳ зоҳир намуданд. Пётр Дубров нақл кард, ки чӣ тавр дар Соли нав тайёр кардани хӯриши лазиз бо моҳӣ дар коинот душвор буд, бошандагони Пойгоҳи байналмилалии кайҳонӣ дар шароити набудани ҷозиба чӣ гуна ҳолати ҷисмонии худро нигоҳ медоранд, сайёҳони кайҳониро чӣ тавр пешвоз мегиранд. Кайҳоннавард бо камоли майл ба саволҳои ҳозирин посух дод ва дар охири ҳар вохӯрӣ ба муаллифони саволҳои беҳтарин аз ширкати «МегаФон Тоҷикистон» туҳфаҳо тақдим карда шуданд.
«Дар шарҳи ҳоли Петр Дубров технологияҳои олӣ бо талош ба баландиҳои кайҳонӣ омезиш ёфтааст. Ин ба фалсафаи ширкати мо наздик аст, бинобар ин мо заррае ҳам шубҳа накардем: Пётр Дубров маҳз ҳамон шахсест, ки ӯро ба ҷашнвораи пойтахти Тоҷикистон даъват кардан лозим аст. Вохӯрӣ бо кайҳоннаварди машҳур таҷрибаи нодир аст. Итминон дорам, ки сокинони Душанбе ин туҳфаи моро пас аз солҳои зиёд бо самимият ба хотир меоранд», — мегӯяд директори иҷроияи ширкати «МегаФон Тоҷикистон» Анатолий Изюмников.
АКС: ширкати «МегаФон Тоҷикистон»
Пагоҳ иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
