ВАТАН ИМРӮЗИ МО, ОЯНДАИ МО. Ҷавонони шаҳри Панҷакент ба сафи Қувваҳои Мусаллаҳи Тоҷикистон пайвастанд
ДУШАНБЕ, 02.04.2024 /АМИТ «Ховар»/. Дар Майдони Парчами давлатии шаҳри Панҷакент гусели нахустин гурӯҳи даъватшавандагон ба хизмати Ватан- Модар баргузор шуд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент.
Беш аз дусад даъватшаванда, ки бо амри дил хизмати Ватанро ихтиёр намуда, дар мактаби Ташкилоти мададгори мудофиа касб омӯхтаанд, бо Парчам ва шиорҳои ватандӯстона зери садои мусиқӣ ба майдон ворид шуда, саф оростанд.
Раиси шаҳр Абдухолиқ Холиқзода ҷавононро бо оғози маъракаи даъват ба хизмати ҳарбӣ табрик гуфт. Таъкид шуд, ки солҳои охир садҳо нафар ҷавонони шаҳри Панҷакент ба таври ихтиёрӣ, бо амри дил ва ифтихори баланди ватандӯстӣ ба комиссариати ҳарбии шаҳр муроҷиат намуда, омодагиашонро ба хизмати Ватан изҳор медоранд ва даъватшавандагони имрӯза аз ҷумлаи чунин ихтиёриёни ватандӯст мебошанд.
Наваскарон сухан намуда, омодагӣ ва азму талошашонро барои хизмати содиқона, ҳифзи марзу буми ҷумҳурӣ баён намуданд. Дар ҷамъомад ҳамчунин падару модарон ба наваскарон хизмати шоиста ва роҳи сафед орзу намуданд.
Дар идома ба як зумра масъулони комиссияи даъват ба хизмати ҳарбӣ, раисони ҷамоатҳои деҳот барои саҳми арзанда дар ташкили даъвати баҳории ҷавонон сипоснома ва туҳфаҳои мақомоти иҷроияи маҳаллии ҳокимияти давлатии шаҳр тақдим шуда, ба гурӯҳи даъватшавандагон — хатмкардагони мактаби Ташкилоти мададгори мудофиа шаҳодатномаи ронандагӣ супорида шуд.
Барномаи ҷолиби ҳунарии санъаткорони шаҳр бо шеъру сурудҳои ватандӯстона, рақсҳои ҷаззоб анҷомбахши гусели гурӯҳи аввали даъватшавандагон ба хизмати Ватан-Модар буд.
АКС: Мақомоти иҷроияи ҳокимияти давлатии шаҳри Панҷакент
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
