35-СОЛАГИИ ИСТИҚЛОЛИ ДАВЛАТӢ. Шаҳри Турсунзода гулзор гардидааст
ТУРСУНЗОДА, 26.05.2024 /АМИТ «Ховар»/. Бо мақсади дар сатҳи баланд пешвоз гирифтани ҷашни 35-солагии Истиқлоли давлатӣ дар шаҳри Турсунзода корҳои ободонию созандагӣ бо вусъати дучанд идома доранд. Сокинону соҳибкорон ва роҳбарияти ташкилоту муассисаҳои шаҳр барои хуб пешвоз гирифтани меҳмонони дохилию хориҷӣ дар ин рӯзҳои таърихӣ омодагиҳои ҳамаҷониба мебинанд.
Хушбахтона, имрӯзҳо баробари ба шаҳри Турсунзода ворид шудан аз дидани биноҳои замонавӣ, чароғонии кӯчаю растаҳо, асфалтпӯш шудани роҳҳо, шукуфаҳои Боғи марказии шаҳр, ободонии фароғатҷойҳо, ошхонаҳои замонавӣ, майдончаҳои солимгардонӣ, рангобарангии биноҳои баландошёна ва гулу гулгаштҳо кас руҳу илҳоми тоза гирифта, худро дар дунёи афсонавӣ эҳсос мекунад. Ин ҳама созандагиҳо ба ҳусни шаҳр зебоии дигар зам намудааст.
Тавре сардори Муассисаи манзилию коммуналии назди Мақомоти иҷроияи ҳокимияти давлатии шаҳри Турсунзода Соҳибдавлат Назаров иттилоъ дод, имсол дар кӯчаҳои И Сомонӣ, С Айнӣ, МСА Ҳамадонӣ, М. Турсунзодаи маркази шаҳр ва дар гулдонҳои шафати роҳҳою манзараҳои маркази шаҳр 82 ҳазору 502 бех гулҳои гуногунранги бунафшаю садбарг ва зиёда аз 220 бех дарахтони ороишӣ шинонда шуданд, ки имрӯзҳо ба ҳусни шаҳри Турсунзода зебу зинати тоза бахшидаанд.
Ҳамчунин барои таблиғу ташвиқи сиёсати Ҳукумати Ҷумҳурии Тоҷикистон байни аҳолӣ дар маркази шаҳр зиёда аз 490 метри мураббаъ шиору овезаҳо ва аксҳои Пешвои миллат, Парчами давлатӣ насб намудаанд. Соҳибдавлат Назаров гуфт, ки дар 4 моҳи имсол дар гармхонаҳои муассиса 50 ҳазор гулҳои гуногун корида шудаанд.
Ба ифтихори ҷашни 35-солагии Истиқлоли давлатӣ имрӯзҳо дар маркази шаҳри Турсунзода майдончаи бозии кӯдакон ба истифода дода шуда, сохтмони майдони варзишӣ идома дорад. Мояи ифтихор аст, ки сокинони шаҳри Турсунзода дар шанбегию ҳашарҳои умумӣ фаъолона иштирок намуда, шаҳрро ба истиқболи меҳмонон пурра омода менамоянд.
Дар зер аксҳо аз шаҳри Турсунзода манзур мешаванд.
Субҳониддини МАҲМУД,
АМИТ «Ховар»
АКС: АМИТ «Ховар»
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
