Агар барқ хомӯш шуд – мо вориди интернет мешавем

Май 27, 2024 11:11

ДУШАНБЕ, 27.05.2024. /АМИТ «Ховар»/. Гоҳ-гоҳ қатъ гардидани неруи барқ ба фаъолияти таҷҳизоти телекоммуникатсионӣ таъсири муайян мерасонад. Барои ҳамин ширкати “МегаФон Тоҷикистон” манбаъҳои алтернативии неруро ба кор мебарад. Дар ин ҷода “Интернет барои хона” воситаи нисбатан боэътимод аст. Пас дастрасии ноқилӣ аз мобилӣ ҷӣ фарқ дорад – дар ҳоле, ки ҳарду аз ҷониби як оператор пешниҳод карда мешаванд?

“Дар асл гирем, барои интернети мобилӣ ва собит таҷҳизоти гуногун ҷавобгар аст, — шарҳ медиҳад директори департаменти инкишоф ва корбурди ТМСБ ширкати “МегаФон Тоҷикистон” Алиҷон Ғаниев. Ва агар бинобар қатъшавии неруи барқ дар минтақа эҳтимоли тағйирёбии сифати алоқаи мобилӣ ва интернет ҷой дошта бошад, пас дастрасии ноқилӣ устувор боқӣ мемонад. Масалан, то он даме, ки неруи ноутбук ё планшет кифоя аст, метавон филмҳоро онлайн тамошо намуд.

Ду интернети “гуногун” аз ҷиҳати техникӣ чӣ фарқ доранд? Интернети мобилӣ – ин ҷараёни маълумоти аз пойгоҳи наздиктарини базавӣ интиқолёбанда мебошад. Ба қавли дигар, трафик дар шакли радиосигнал интиқол меёбад ва бинобар ин, аз омилҳои берунӣ нисбатан зиёд вобаста аст.

Интернети хонагӣ – пайвастагии ноқилӣ аст. МегаФон Тоҷикистон “Интернет барои хона”-ро дар Душанбе аз рӯи технологияи GPON (“шабакаи оптикии гигабитаи пассив) пешниҳод менамояд – дар ин ҳолат кабели нахӣ-нурӣ бевосита то худи манзили истиқоматии муштарӣ гузаронида мешавад. Тавассути он трафик бемонеа интиқол меёбад, ҳангоми қатъшавии неруи барқ сифати хизматрасонӣ дар ҳамон сатҳе боқӣ мемонад, ки ҳангоми фаъол будани барқ буд.

Ин бо ду роҳ таъмин карда мешавад. Аввалан, мутахассисони алоқа аккумуляторҳоро истифода мебаранд – таҷҳизот метавонад новобаста аз он ки хатҳои берунии неруи барқ фаъоланд ё на, то панҷ соат корашро идома диҳад. Дуюм, дар ҳолати “Интернет барои хона” эҳтимол аст манбаъҳои неру на дар он минтақае ҷойгир бошанд, ки интиқоли неруи барқ ба он қатъ шудааст. Кабели нахӣ-нурӣ қодир аст, ки трафикро ба даҳҳо километр масофа бе тағйирдиҳии сифати хизматрасонӣ интиқол диҳад. Масалан: дар маҳаллае, аз ҷумла ҷойҳое, ки дар онҳо пойгоҳҳои базавии алоқаи мобилӣ насб гардидаанд, бо тартиби навбат неру қатъ карда мешавад. Лекин истифодабарандагони “Интернет барои хона”, ки дар хонаҳои онҳо неруи барқ ҳаст, ба таври онлайн филм тамошо мекунанд ё сайри шабака менамоянд.

“Ба ғайр аз чунин афзалият, ба монанди идомаи кори устувор ҳангоми қатъи неруи барқ дастрасии собит инчунин афзалияти дигар низ дорад. Масалан, имконияти истифодаи интернет бо тамоми оила дар якчанд дастгоҳ. Ва агар интернети мобилӣ аз омилҳои берунӣ, аз ҷумла аз теъдоди истифодабарандагони ҳамзамон дар шабака қарордошта вобаста бошад, суръати интернети ноқилӣ доим чуноне боқӣ мемонад, ки дар шартҳои тарофа оварда шудааст”, — илова менамояд Алиҷон Ғаниев.

Маълумоти муфассалро доир ба хизматрасонии “Интернет барои хона” метавонед дар сомонаи ширкати “МегаФон Тоҷикистон” ё бо телефони 4747 пайдо намоед.

АКС: ширкати “МегаФон Тоҷикистон” 

Май 27, 2024 11:11

Хабарҳои дигари ин бахш

Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
Пагоҳ Вазорати маориф ва илм, Маркази миллии қонунгузорӣ, Кумитаи рушди маҳал, Донишгоҳи славянии Русия ва Тоҷикистон ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор менамоянд
Имрӯз дар шаҳри Душанбе ҳаво то 40 дараҷа гарм мешавад
Имрӯз дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
«ШУКӮҲИ ИСТИҚЛОЛ». Таҳти ин унвон дар Хатлон то ҷашни 33-солагии Истиқлолияти давлатӣ чорабинии фарҳангӣ-фароғатӣ доир мешавад
Дар Панҷакент корҳои бартарафсозии оқибати офатҳои табиӣ идома доранд
Пагоҳ дар Вазорати энергетика ва захираҳои об, Вазорати кишоварзӣ, Кумитаи ҳифзи муҳити зист, Агентии беҳдошти замин ва обёрӣ ва Агентии хоҷагии ҷангал нишасти матбуотӣ баргузор мешавад
Имрӯз дар Тоҷикистон ҳаво то 41 дараҷа гарм мешавад
Имрӯз Вазорати нақлиёт, Кумитаи бехатарии озуқаворӣ, Агентии авиатсияи гражданӣ ва Хадамоти алоқа нишасти матбуотӣ баргузор менамоянд
Дар Ҳисор варзишгарони имконияташон маҳдудро барои сазовор гаштан бо медалҳои тилло ва нуқра қадрдонӣ намуданд
Ғулом Ҳалимзода раиси Ҳизби сотсиалистии Тоҷикистон интихоб гардид
«ТОЗАГИИ МАҲАЛ». Дар Душанбе иқдоми экологии «Тозагии маҳал» ва «Тозагии роҳ» гузаронида шуд