Ҳайати муассисаи «Zhongta Education Technology»-и Чин ба Донишгоҳи байналмилалии сайёҳӣ ва соҳибкории Тоҷикистон ташриф овард
ДУШАНБЕ, 19.05.2024. /АМИТ «Ховар»/. 18 май ҳайати намояндагони муассисаи «Zhongta Education Technology»-и Ҷумҳурии Мардумии Чин ба Донишгоҳи байналмилалии сайёҳӣ ва соҳибкории Тоҷикистон ташриф оварданд.
Тавре ба АМИТ «Ховар» дар Донишгоҳи байналмилалии сайёҳӣ ва соҳибкорӣ хабар доданд, муовини ректор оид ба робитаҳои байналмилалӣ аз ташрифи намояндагони муассисаи «Zhongta Education Technology» ва ҳамкории пайвастаи донишгоҳ бо муассисаҳои таҳсилоти олии касбии Ҷумҳурии Мардумии Чин изҳори қаноатмандӣ намуд.
Зимни мулоқот масоили мубрами ҳамкории Донишгоҳи байналмилалии сайёҳӣ ва соҳибкории Тоҷикистон ва муассисаи «Zhongta Education Technology»-и Ҷумҳурии Мардумии Чин дар самти ҷалби донишҷӯён ва омӯзгорони хориҷӣ, ташкили табодули академии донишҷӯёни донишгоҳ, таҳия ва татбиқи лоиҳаҳои муштараки сармоягузорӣ мавриди баррасӣ ва муҳокима қарор гирифтанд.
Ҳайати меҳмонон бо назардошти дар сохтори ташкилии идоракунии Донишгоҳ ҷой доштани муассисаҳои таълимии зинаҳои мухталифи таҳсилот оид ба ҳамкорӣ дар ин зинаҳо низ изҳори омодагӣ намуданд.
Меҳмонон бо раванди таълим дар ихтисоси забони чинии Донишгоҳ шинос гардида, ба сатҳу сифати омодасозии мутахассисон ва пойгоҳи мавҷуда дар ин самт баҳои баланд доданд.
Дар баробари ин, омодагии худро дар самти ҷалби омӯзгорони хориҷӣ барои ихтисоси забони чинӣ иброз намуданд.
Ҷонибҳо ба мувофиқа расиданд, ки дар доираи санадҳои меъёрии ҳуқуқии ҷонибҳо ва шартномаи ҳамкорӣ ҳамкорӣ намоянд.
АКС: Донишгоҳи байналмилалии сайёҳӣ ва соҳибкории Тоҷикистон
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
«БЕҲТАРИНИ ОСИЁ – 2026». Навраси тоҷик сазовори ҷоизаи байналмилалӣ шуд
Моҳи ноябр доир ба саҳми Борбади Марвазӣ дар рушди мусиқӣ конфронси байналмилалӣ баргузор мегардад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Дар Донишгоҳи давлатии молия ва иқтисоди Тоҷикистон 140 донишҷӯи хориҷӣ таҳсил мекунад
Дар Тоҷикистон барои хонандагони синфи якум давраи мутобиқшавӣ гузаронида мешавад
НИШАСТИ МАТБУОТӢ. 83 нафар Донишгоҳи давлатии молия ва иқтисоди Тоҷикистонро бо дипломи аъло хатм намуданд
Дар Тоҷикистон беш аз 187 муассисаи шакли нав фаъолият мекунад
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир мегардад
Донишгоҳи байналмилалии сайёҳӣ ва соҳибкории Тоҷикистон ҳамкориро бо Донишгоҳи омӯзгории марказии Чин тақвият медиҳад
Барои омӯзгорону донишҷӯёни Донишгоҳи давлатии Кӯлоб хобгоҳи 10-ошёна сохта мешавад
