Дар Қазоқистон беш аз 6,5 ҳазор нафар бинобар обхезиҳо дар нуқтаҳои бехавф боқӣ мемонанд
ДУШАНБЕ, 01.05.2024 /АМИТ «Ховар»/. Беш аз 6,5 ҳазор нафар бинобар вазъи обхезиҳо дар Қазоқистон дар нуқтаҳои бехавф боқӣ мемонанд. Дар ин хусус зимни брифинг намояндаи Вазорати ҳолатҳои фавқулодаи Қазоқистон Аскар Шарип хабар додааст, иттилоъ медиҳад АМИТ «Ховар».
«Дар ҷумҳурӣ аз 7 089 хонаи истиқоматии хусусӣ ва 2 834 ҳавлӣ об бартараф карда шудааст. 39 352 нафар ба манзилҳои худ баргашта, дар нуқтаҳои бехавф 6552 нафар боқӣ мондаанд», — иброз намуд ӯ.
Хадамоти ҳифзи шаҳрвандӣ, ихтиёриён ва созмонҳои ҷалбшуда корҳои бартарафсозии обхезӣ ва расонидани кумак ба аҳолиро дар вилоятҳои Атирау, Актюбинск, Қазоқистони Ғарбӣ ва Қазоқистони Шимолӣ идома медиҳанд. Дар вилояти Атирау қад-қади 41 нуқтаи аҳолинишин иншооти муҳофизатӣ сохта шуданд. Дар давраи обхезӣ дар ин минтақа ба андозаи зиёда аз 500 километр иншооти муҳофизатӣ сохта шуд. Кормандони Вазорати ҳолатҳои фавқулода сатҳи оби дарёи Жайик (Урал)-ро ҳар соат назорат мекунанд.
Дар маҷмуъ ба корҳои садамавӣ-наҷотдиҳӣ ва рафъи обхезӣ беш аз 17 ҳазор нафар, 2 ҳазор техника ва 7 ҳавопаймо ҷалб шудаанд.
АКС аз манбаъҳои боз
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
