Дар Бадахшон 30-солагии таъсиси Қӯшунҳои сарҳадии Кумитаи давлатии амнияти миллии Тоҷикистон таҷлил шуд

Май 28, 2024 18:48

ДУШАНБЕ, 28.05.2024. /АМИТ «Ховар»/. Дар Вилояти Мухтори Кӯҳистони Бадахшон бахшида ба 30-солагии таъсиси Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Рӯзи сарҳадбонони тоҷик барномаи тантанавӣ баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.

Раиси вилоят ва дигар намояндагони мақомоти ҳифзи ҳуқуқ бо техникаи ҳарбӣ ва лавозимоти ҷангӣ шинос шуда, ба поси хотири афсарон ва сарбозоне, ки барои ҳифзи марзу бум ва якпорчагии Ватан ҷони худро аз даст доданд, дар назди муҷассамаи сарбози Ватан гулчанбар гузоштанд.

Иброз гардид, ки ҳимояи марзи давлатӣ дар қатори арзишҳои муқаддаси давлатию миллӣ- забон, таърих, фарҳанг ва дигар дастовардҳои замони соҳибистиқлолии мамлакат меистад. Аз рӯзҳои нахустини соҳибистиқлолӣ ва махсусан баъди барқарор гардидани Ҳукумати конститутсионӣ дар Ватани мо масъалаи ҳимояи марзу буми ҷумҳурӣ яке аз вазифаҳои калидӣ ба ҳисоб меравад.

Ҳамзамон гуфта шуд, ки Роҳбарияти Ҳукумати конститутсионӣ таҳти роҳнамоӣ ва роҳбарии Пешвои миллат муҳтарам Эмомалӣ Раҳмон дар Иҷлосияи 16-уми таърихию тақдирсози Шурои Олии Ҷумҳурии Тоҷикистон бо дарки амиқи муҳимияти масъала, бо мақсади ҳарчи зудтар ба роҳ мондани ҳифзи зарурии сарҳадоти мамлакат қарори дахлдор қабул намуд, ки дар назди Кумитаи давлатии амнияти миллии Ҷумҳурии Тоҷикистон бригадаи махсуси марзбонӣ ташкил карда шавад. Баъди чанде бо қарори Раёсати Шурои Олӣ дар ҳайати ин кумита Раёсати ҳифзи сарҳад таъсис дода шуд ва ниҳоят 28 майи соли 1994 дар сохтори мақомоти амниятии мамлакат Қӯшунҳои сарҳадӣ таъсис ёфта, ин рӯз минбаъд дар Тоҷикистони соҳибистиқлол Рӯзи сарҳадбонон эълон гардид.

Бо қаноатмандӣ ва ифтихор бояд гуфт, ки дар 30 сол ин ниҳод бо хизмати содиқона ба Ватану миллат ва Роҳбари Олии мамлакат исбот намуд, ки дар радифи дигар сохторҳои низомии мудофиавӣ ва амниятию низомии давлат сипари боэътимоди на танҳо ҳифзи марзу бум, балки муҳофизи суботи ҷамъиятӣ ва ваҳдати миллӣ низ мебошад.

Изҳор гардид, ки мақомоти иҷроияи ҳокимияти давлатии вилоят тамоми имкониятро истифода бурда, барои дастгирии ниҳодҳои низомӣ, амниятӣ ва ҳуқуқӣ фаъолиятро тавсеа медиҳад.

АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон

Май 28, 2024 18:48

Хабарҳои дигари ин бахш

ТАВАҶҶУҲ! Мақомоти милитсияи Душанбе огоҳ месозад: « Ба ҳар гуна зангҳои афроди ношинос ва хабарҳои бардурӯғи онҳо бовар накунед»
Дар шаҳри Хоруғ доир ба таҳкими ҳифзи сирри давлатӣ ҳамоиш доир гардид
Вокуниши қонунӣ нишон додан ба фаъолият ва амалҳои ташкилоти террористӣ ва экстремистӣ амри зарурӣ ва воқеӣ мебошад
Чӣ бояд кард, то шахс ба доми хатарбори ҳизбу созмонҳои террористӣ ва ифротгароӣ наафтад?
Тоҷикистон даҳсолаҳо боз дар сафи пеши муқовимат бо терроризми байналмилалӣ қарор дорад
Дар Душанбе даври дуюми музокироти Тоҷикистон ва Русия оид ба масъалаҳои муҳоҷират доир гардид
Президенти Тоҷикистон: «Хизматчиёни ҳарбии Қӯшунҳои сарҳадӣ бояд аз таърихи ибратомӯзи миллати тоҷик сабақи ҷоннисориву мардонагӣ омӯзанд»
Тоҷикистон беш аз се даҳсола инҷониб дар пешгирии паҳншавии хатари терроризм ба минтақа ва ҷаҳон нақши калидӣ мебозад
Дар қисми низомии мустақар дар вилояти Суғд Рӯзи марзбонон таҷлил карда шуд
Дар Душанбе вохӯрии дуҷонибаи вазирони корҳои дохилии Тоҷикистон ва Федератсияи Русия доир гардид
КОРНАМОИҲОИ ФАРЗАНДОНИ САРСУПУРДАИ МИЛЛАТ ФАРОМӮШ НАМЕШАВАНД. Эҳдо ба 30-солагии Қӯшунҳои сарҳадии Ҷумҳурии Тоҷикистон
«ҚӮШУНҲОИ САРҲАДӢ НИШОНИ ВОЗЕҲИ ИСТИҚЛОЛИ ДАВЛАТИ ТОҶИКОН МЕБОШАД». Иқтибос аз суханрониҳои Президенти Тоҷикистон муҳтарам Эмомалӣ Раҳмон