Дар доираи Форуми тиҷоратӣ имконият ва фазои сармоягузории Тоҷикистон ба доираҳои соҳибкории Ҷопон муаррифӣ шуд

Май 20, 2024 19:00

ДУШАНБЕ, 20.05.2024 /АМИТ «Ховар»/. «Тоҷикистон ва Ҷопон – уфуқҳои ҳамкории сармоягузорӣ дар иқтисоди «сабз»»- таҳти чунин унвон бо ибтикори Сафорати Ҷумҳурии Тоҷикистон дар Ҷопон ва дар ҳамбастагӣ бо Ассотсиатсияи Ҷопон оид ба савдо бо Русия ва Иттиҳоди Давлатҳои Мустақил /ИДМ/, Кумитаи давлатии сармоягузорӣ ва идораи амволи давлатии Ҷумҳурии Тоҷикистон ба таври маҷозӣ Форуми тиҷоратӣ баргузор гардид.

АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ медиҳад, ки дар форум роҳбарону масъулини вазорату идораҳои давлатӣ, доираи васеи соҳибкорону сармоягузорон, роҳбарият ва намояндагони ширкату корхонаҳои бонуфуз аз Тоҷикистон ва Ҷопон, дар маҷмуъ беш аз 200 нафар иштирок намуданд.

Дар ҷараёни форум ба соҳибкорони ҷопонӣ имконият ва фазои сароягузории мамлакат дар соҳаҳои гуногуни иқтисоди Тоҷикистон муаррифӣ гардида, аз ҷониби ширкатҳои ватанӣ лоиҳаҳои афзалиятнок ба ҷониби ҷопонӣ барои ҳамкорӣ пешниҳод шуданд.

Инчунин коршиносони ҷопонӣ доир ба таҳкими ҳамкории иқтисодиву сармоягузорӣ байни ду давлат ибрози назар намуданд. Тақвият ва густариши ҳамкории тиҷоратию сармоягузорӣ дар заминаи муколамаи озод байни соҳибкорону сармоягузорон ва дарёфти роҳҳои нави амалӣ дар самти ташкили корхонаҳои муштарак аз ҳадафҳои асосии форум буд.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон

Май 20, 2024 19:00

Хабарҳои дигари ин бахш

Дар Душанбе таҳияи барномаи ҳамкории Тоҷикистон бо Фонди байналмилалии рушди кишоварзӣ баррасӣ гардид
Бонки миллии Тоҷикистон ва Дафтари ҳамкории иқтисодии Швейтсария ҳамкориро тақвият мебахшанд
Корхонаи хурди «Зари тоҷик» дар шаҳри Гулистон аз металлҳои қиматбаҳо маҳсулоти заргарӣ истеҳсол менамояд
Ҷамъияти дорои масъулияти маҳдуди «Пахтаи Кӯлоб» имсол дар 1900 гектар пахта кишт намудааст
Корхонаҳои саноатии шаҳри Хуҷанд дар панҷ моҳ ба маблағи 760,8 миллион сомонӣ маҳсулот истеҳсол намуданд
Дар вилояти Хатлон то охири моҳи май беш аз 68 ҳазор тонна гандум ҷамъоварӣ гардид
Президенти Гурӯҳи Бонки исломии рушд Муҳаммад Сулаймон Ал-Ҷассер бо НБО-и «Норак» шинос шуд
Президенти Бонки исломии рушд бо унвони «Профессори фахрӣ»-и Донишгоҳи байналмилалии сайёҳӣ ва соҳибкории Тоҷикистон сарфароз гардид
Дар Тоҷикистон лоиҳаи «Дастгирии соҳаи кишоварзӣ дар заминаи ҷомеа+» то соли 2030 амалӣ мегардад
Дар Душанбе ҳамкорӣ дар самти баланд бардоштани иқтидори рушди бозори қоғазҳои қиматноки давлатӣ баррасӣ шуд
ҶАЛАСАИ ШУРОИ МИЛЛИИ РУШД. Тоҷикистон то соли 2037 ба мамлакати «сабз» мубаддал мегардад
Беларус тасмим гирифтааст, ки дар самти омӯзиши геологии қаъри замин аз таҷрибаи геологҳои тоҷик истифода барад