Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
ДУШАНБЕ, 16.05.2024. /АМИТ «Ховар»/. 15 май роҳбарияти Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо ҳайати Хазинаи кӯдакони Созмони Милали Муттаҳид (ЮНИСЕФ) дар Аврупо ва Осиёи Марказӣ мулоқот намуд. Дар ин хусус АМИТ «Ховар» бо истинод ба ин кумита хабар медиҳад.
Раиси Кумита пешниҳод намуд, ки барои мактаббачагон, хусусан барои баланд бардоштани донишу малакаи онҳо дар самти рафтори дуруст дар ҳолати рух додани офатҳои табиӣ машқҳои мудофиаи гражданӣ гузаронида шаванд.
Зимни вохӯрӣ ҷонибҳо инчунин самтҳои афзалиятноки фаъолияти Хазинаи кӯдакони Созмони Милали Муттаҳид дар сатҳи мамлакат оид ба ҳуқуқи кӯдакон ва афзалияти рушди фаъолият дар Ҷумҳурии Тоҷикистон, инчунин дурнамои рушди ҳамкории Кумита ва Созмонро баррасӣ намуданд.
Дар фарҷоми вохӯрӣ ҷонибҳо ба густариши ҳамкории дуҷониба дар самти ҷилавгирӣ аз офатҳои табиӣ ва анҷоми корҳо оид ба рафъи он таъкид намуданд.
Ҳамзамон Раиси Кумитаи ҳолатҳои фавқулода ва мудофиаи гражданӣ Рустам Назарзода бо Сафири Фавқулода ва Мухтори Подшоҳии Арабистони Саудӣ Валид ибни Абдурраҳмон ар-Решайдон оид ба масъалаҳои расонидани ёрии аввалини тиббӣ ба аҳолии аз офатҳои табиӣ зарардида ва оилаҳои осебпазир, идомаи маблағгузории сохтмони Маркази миллии омодасозии наҷотдиҳандагон дар Қаратоғ, дастрас намудани таҷҳизоти техникӣ барои корҳои ҳаррӯза мулоқот анҷом дод.
Раиси Кумита тавсеаи равобити Тоҷикистон ва Подшоҳии Арабистони Саудиро дар ин замина муҳим арзёбӣ намуда, иброз дошт, ки Кумита ба ин масъала таваҷҷуҳи ҷиддӣ зоҳир мекунад.
Сафир талошҳои муштаракро барои амиқтар ба роҳ мондани ҳамкории Подшоҳии Арабистони Саудӣ ва Ҷумҳурии Тоҷикистон дар самти пешгирӣ ва рафъи оқибатҳои офатҳои табиӣ муҳим арзёбӣ намуд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
