Дар Душанбе раисони кумитаҳои Маҷлиси намояндагон ва намояндагони Бонки ҷаҳонӣ мулоқот намуданд

Май 17, 2024 14:50

ДУШАНБЕ, 17.05.2024. /АМИТ «Ховар»/. Раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ Сумангул Тағойзода ва раиси кумитаи Маҷлиси намояндагон оид ба илм, маориф, фарҳанг ва сиёсати ҷавонон Насиба Содиқӣ бо Директори минтақавӣ оид ба рушди инсонӣ, Аврупо ва Осиёи Марказии Бонки ҷаҳонӣ Михал Рутковский ва ҳайати ҳамроҳонаш мулоқот намуданд.

Дар мулоқот таъкид карда шуд, ки  зиёда аз 20 сол боз Тоҷикистон масъалаҳои марбут ба обу иқлимро дар рӯзномаи ҷаҳонии рушд бо муваффақият пеш мебарад. Бо ибтикори Тоҷикистон Маҷмаи умумии Созмони Милали Муттаҳид 5 қатъномаро марбут ба масъалаҳои обу иқлим ва ҳифзи пиряхҳо қабул намуд, аз ҷумла Соли байналмилалии оби тоза – 2003, Даҳсолаи байналмилалии амал «Об барои ҳаёт, 2005 – 2015», Соли байналмилалии ҳамкорӣ дар соҳаи об – 2013, Даҳсолаи байналмилалии амал «Об барои рушди устувор, солҳои 2018-2028» ва Соли байналмилалии ҳифзи пиряхҳо эълон намудани соли 2025 аз ҷумлаи ин санадҳои муҳим мебошанд. Қабули ин қатъномаҳо имкон дод, ки таваҷҷуҳи ҷомеаи ҷаҳонӣ ба масъалаҳои мубрами глобалӣ, бахусус мушкилоти марбут ба об ва тағйирёбии иқлим, нестшавии пиряхҳо бештар ҷалб гардида, барои ҳалли мушкилоти вобаста ба об ва беҳдошт, истифодаи оқилонаи захираҳои обӣ ва ҳифзи пиряхҳо дар сатҳи глобалӣ ва минтақавӣ тадбирҳои муштараки зарурӣ андешида шаванд.

Умедворем, ки ҳаҷми маблағгузориҳо ба Тоҷикистон барои амалӣ сохтани лоиҳаҳои афзалиятноки миллӣ вобаста ба пешгирӣ ва мутобиқшавӣ ба тағйирёбии иқлим зиёд карда мешавад.

Изҳор гардид, ки чунин мулоқоту музокирот имкони муҳокима ва дарёфти роҳҳои ҳалли татбиқи лоиҳаҳои авлавиятнокро бо назардошти имконияти фаровони мутақобилаи истифоданашуда муҳайё месозанд.

Бояд гуфт, ки рӯзномаи ҳамкории дуҷониба гуногунҷанба буда, соҳаҳои кишоварзӣ, муҳити зист ва рушди деҳот, сиёсати иқтисодӣ, рушди бахшҳои тандурустӣ, маориф, обу энергетика,  коҳиши сатҳи камбизоатиро дар бар мегирад.

Дар нишаст ҳамчунин вакилони Маҷлиси намояндагон Парвина Маликзод, Гулбаҳор Ашурзода ва муовини сардори раёсати робитаҳои хориҷӣ, байнипарламентӣ, ташрифотӣ ва ташкили кор Талабшоҳ Шарифзода иштирок намуданд.

 АКС: Маҷлиси намояндагони Маҷлиси Олии Ҷумҳурии Тоҷикистон

Май 17, 2024 14:50

Хабарҳои дигари ин бахш

Дар иҷлосияи навбатии Маҷлиси намояндагон лоиҳаи якчанд қонун баррасӣ гардид
Меҳмонони Форуми байналмилалии парлумонӣ «Қалъаи Ҳисор»-ро тамошо карданд
Дар Душанбе ҳамкорӣ байни Маҷлиси миллии Маҷлиси Олии Ҷумҳурии Тоҷикистон ва Сенати Малайзия баррасӣ шуд
Дар Душанбе ҳамкории байнипарлумонии Тоҷикистон ва Узбекистон мавриди баррасӣ қарор гирифт
Маҳмадтоир Зокирзода бо датук Нур Ҷазлон Муҳаммад мулоқот намуд
Дар ҷаласаи кумитаи Маҷлиси миллии Маҷлиси Олии Ҷумҳурии Тоҷикистон 34 масъала баррасӣ гардид
«ЗАХИРАҲОИ ОБ ВА УСТУВОРИИ ДЕМОГРАФӢ БА МАНФИАТИ ҶАВОНОН». Дар Душанбе Форуми байналмилалии парлумонӣ оғоз гардид
Раиси Маҷлиси намояндагон бо сокинону кишоварзони ноҳияи Рашт мулоқот намуд
Дар Маҷлиси намояндагон бахшида ба робитаҳои дӯстии Тоҷикистон ва Чин ҳамоиш баргузор гардид
РАВАНДИ ОБИ ДУШАНБЕ. Дар пойтахти Тоҷикистон Форуми байналмилалии парлумонӣ доир мегардад
Дар Маҷлиси намояндагон бахшида ба «Соли маърифати ҳуқуқӣ» ҳамоиш баргузор гардид
Дар Душанбе вобаста ба самти баробарии гендерӣ ва тавонмандсозии занон машварат доир гардид

Маводҳои таҳлилӣ