Дар мусобиқаи минтақавӣ дастаи футзали Федератсияи иттифоқҳои касабаи мустақили Тоҷикистон соҳиби медали нуқра шуд

Май 15, 2024 12:06

ДУШАНБЕ, 14.05.2024. /АМИТ «Ховар»/. 12-13 май дар шаҳри Гулистони вилояти Суғд мусобиқаи минтақавӣ оид ба футзал барои дарёфти «Ҷоизаи Шурои  иттифоқҳои касабаи Осиёи Марказӣ» баргузор гардид. Дар ин хусус АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.

Дар мусобиқа  чаҳор даста аз давлатҳои Тоҷикистон, Узбекистон, Қазоқистон ва Қирғизистон иштирок доштанд.

Дар натиҷаи бозиҳои давравӣ дастаҳои Тоҷикистон ва Узбекистон бо ду ғалаба ба финали мусобиқа баромаданд. Дар натиҷа дастаи футзали Федератсияи иттифоқҳои касабаи Узбекистон бар дастаи  футзали Федератсияи иттифоқҳои касабаи мустақили Тоҷикистон бо ҳисоби 2:1 ғолиб омада, сазовори медали тилло гардид.

Ҳамин тавр, медали нуқраи мусобиқаро дастаи Тоҷикистон соҳиб шуда, дастаи Қазоқистон ҷои сеюм ва Қирғизистон ҷои чорумро ишғол намуданд.

Ба ғолибон Ҷом, медал ва туҳфаҳои хотиравӣ супорида шуданд.

 АКС: Федератсияи иттифоқҳои касабаи мустақили Тоҷикистон

Май 15, 2024 12:06

Хабарҳои дигари ин бахш

Дар ноҳияи Бобоҷон Ғафуров бахшида ба Рӯзи ҷаҳонии футбол фестивал баргузор шуд
Пагоҳ дар Тоҷикистон Дави миллӣ ва марафони велосипедронӣ баргузор мегардад
Рушди дипломатияи варзишӣ ташаббуси нави ҷаҳонии Тоҷикистон аст
БАХШИДА БА РӮЗИ БАЙНАЛМИЛАЛИИ ФУТБОЛ. Дар Душанбе фестивали варзишӣ баргузор мешавад
19 май дар Тоҷикистон Дави миллӣ ва марафони велосипедронӣ баргузор мегардад
Бахшида ба Рӯзи ҷавонони Тоҷикистон дар Муъминобод мусобиқаи гӯштини миллӣ доир мегардад
Дар Бадахшон Чемпионати Тоҷикистон оид ба бокс байни наврасони солҳои 2008-2009 оғоз ёфт
Бахшида ба Рӯзи ҷавонони Тоҷикистон ва Рӯзи ҷаҳонии футбол фестивали варзишӣ баргузор шуд
Дар Покистон бахшида ба Рӯзи ҷаҳонии футбол шумораи махсуси маҷалла ба нашр расид
19 МАЙ-РӮЗИ ДАВИ МИЛЛӢ. Бахшида ба Рӯзи ҷавонони Тоҷикистон дар Душанбе мусобиқаи варзишӣ баргузор мешавад
Рамзи Рӯзи ҷаҳонии футбол тасдиқ гардид
РӮЗИ ҶАҲОНИИ ФУТБОЛ. Сокинони шаҳри Хоруғ ин пешниҳодро ҷонибдорӣ менамоянд