Доир ба фазои умумии коршиносӣ ва масъалаҳои мубрами патентӣ машғулияти минтақавӣ баргузор гардид
ДУШАНБЕ, 31.05.2024. /АМИТ «Ховар»/. Дар шаҳри Еревани Ҷумҳурии Арманистон дар мавзуи «Фазои умумии коршиносӣ: масъалаҳои мубрами патентӣ» машғулияти минтақавӣ баргузор гардид, ки дар он намояндагон аз идораҳои патентии давлатҳои аъзои Ташкилоти патентии Авруосиёӣ, Созмони умумиҷаҳонии моликияти зеҳнӣ, Академияи давлатии моликияти зеҳнии Федератсияи Русия, намояндаҳои патентии Авруосиё ва дигар коршиносони соҳаи моликияти зеҳнӣ иштирок намуданд. Дар ин хусус ба АМИТ «Ховар» дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон хабар доданд.
Аз Ҷумҳурии Тоҷикистон дар ин машғулият муовини аввали директори Муассисаи давлатии «Маркази миллии патенту иттилоот»-и Вазорати рушди иқтисод ва савдои Тоҷикистон Шавқат Вализода иштирок намуд.
Дар доираи машғулияти минтақавӣ намояндагони идораҳои патентии давлатҳои аъзои Ташкилоти патентии Авруосиё ва дигар ҷонибҳои манфиатдор масъалаҳои мубрами патентикунониро дар соҳаи дорусозӣ ва ихтироъкорӣ, ки бо истифода аз компютер амалӣ карда мешаванд ва дорои унсурҳои зеҳни сунъӣ мебошанд, баррасӣ намуданд.
Инчунин дар машғулият масъалаи ҳифзи интерфейсҳои графикӣ ва тарҳҳои технологӣ муҳокима шуд.
АКС: Муассисаи давлатии «Маркази миллии патенту иттилоот»
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
