Эмомалӣ Раҳмон: «Беш аз 40 ҳазор ҷавони Тоҷикистон дар беҳтарин донишгоҳҳои давлатҳои хориҷӣ таҳсил менамоянд»

Май 23, 2024 11:39

ДУШАНБЕ, 23.05.2024 /АМИТ «Ховар»/. Беш аз 40 ҳазор фарзандони Тоҷикистон ҳоло дар беҳтарин мактабҳои олии хориҷӣ илму дониш ва касбу ҳунар меомӯзанд ва баъди хатми таҳсил дар пешрафту ободии Ватан саҳм мегузоранд. Чунин омадааст дар паёми шодбошии Президенти Ҷумҳурии Тоҷикистон муҳтарам Эмомалӣ Раҳмон ба муносибати Рӯзи ҷавонони Тоҷикистон, ки ҳамасола 23 май таҷлил мегардад.

Дар паёми шодбошӣ омадааст, ки «вақт собит менамояд, ки касе илму дониш ва касбу ҳунар дорад, забонҳои хориҷиро медонад, дар зиндагӣ ҳаргиз хор намегардад ва ба касе муҳтоҷ намешавад. Ба ин хотир, Ҳукумати мамлакат тамоми кӯшишро ба харҷ медиҳад, то насли ҷавони Тоҷикистон донишманду босавод, соҳиби касбу ҳунар ва соҳибмаърифату тарбиядида ба камол расад».

Инчунин дар паёми шодбошии Пешвои миллат бо дахли баргузории озмунҳои ҷумҳуриявӣ гуфта шудааст, ки «ҳадафи мо аз баргузории озмунҳои ҷумҳуриявии «Фурӯғи субҳи доноӣ китоб аст», «Илм – фурӯғи маърифат», «Тоҷикистон – Ватани азизи ман», «Тоҷикон дар ойинаи таърих» ва олимпиадаву озмунҳои гуногун баланд бардоштани сатҳи саводнокиву маърифати мардум, қабл аз ҳама, наврасону ҷавонон, тақвияти завқи зебоипарастии онҳо ва пайдо кардани истеъдодҳои нодир аз байни наслҳои ояндасоз мебошад. Мо солҳои охир шоҳиди он гардида истодаем, ки ин озмунҳо ба рушду инкишофи ҳаматарафаи ҷавонону наврасон таъсири амиқ расонида, аз байни наврасону ҷавонон чеҳраҳои илмдӯсту маърифатпарвар ва навовару ихтироъкор ба воя расида истодаанд».

Дар паёми шодбошӣ таъкид шудааст, ки Ҳукумати мамлакат ҳамчунин бо мақсади ҳарчи бештар ҷалб кардани наврасону ҷавонон ба тарбияи ҷисмонӣ ва варзиш тамоми чораҳои заруриро амалӣ менамояд.

АКС аз бойгонӣ

Май 23, 2024 11:39

Хабарҳои дигари ин бахш

Дастпарварони Донишгоҳи давлатии тиҷорати Тоҷикистон аввалин шуда, дар кишварҳои Аврупо рисолаи доктор PhD-ро ҳимоя намудаанд
ОМОДАГӢ БА СОЛИ НАВИ ХОНИШ. Дар Турсунзода бинои иловагии панҷ муассисаи таълимӣ ба истифода дода мешавад
Дар Донишгоҳи давлатии Хоруғ мактаби тобистона ба кори худ оғоз намуд
Маркази миллии тестӣ натиҷаҳои озмуни тақсимоти асосии довталабонро дар имтиҳонҳои марказонидаи дохилшавӣ 2024 эълон намуд
Дар Донишгоҳи техникии Тоҷикистон факултети технологияи химиявӣ ва металлургия таъсис дода шуд
МАРКАЗИ МИЛЛИИ ТЕСТӢ. Агар телефони дастии довталаб хомӯш бошад, аз натиҷи озмуни тақсимоти асосӣ бехабар мемонад
Донишгоҳи давлатии омӯзгории Тоҷикистон бо 120 муассисаи илмӣ ва таълимии давлатҳои хориҷӣ ҳамкорӣ дорад
Донишгоҳи миллии Тоҷикистон: «Омӯзгороне, ки рисолаҳои номзадӣ ва докторӣ ҳимоя мекунанд, то 30 ҳазор сомонӣ ҳавасманд мешаванд»
Академияи идоракунии давлатии Тоҷикистон бо 14 ташкилоти байналмилалӣ ҳамкорӣ дорад
Хонандагони муассисаи таҳсилоти миёнаи умумӣ барои гирифтани аттестати аълои универсалӣ маҳоратозмоӣ намуданд
«IMO-2024». Хонандагони тоҷик дар Олимпиадаи ҷаҳонӣ сазовори ҷойҳои ифтихорӣ шуданд
35 -СОЛАГИИ ИСТИҚЛОЛИ ДАВЛАТӢ. Дар шаҳрҳои Конибодом ва Исфара сохтмони иншооти соҳаи маориф идома дорад