Гурӯҳи кории Кумитаи меъморӣ ва сохтмони Тоҷикистон дар шаҳрҳои Дубай ва Давҳа табодули таҷриба намуд
ДУШАНБЕ, 04.05.2024 /АМИТ «Ховар»/. Раиси Кумитаи меъморӣ ва сохтмони назди Ҳукумати Ҷумҳурии Тоҷикистон бо ҳайати мутахассисони кумита ва Мақомоти иҷроияи ҳокимияти давлатии вилояти Суғд дар шаҳри Дубайи Амороти Муттаҳидаи Араб ва шаҳри Давҳаи Давлати Қатар табодули таҷриба ва омӯзиши санъати меъмории ин минтақаҳоро анҷом доданд. Дар ин хусус ба АМИТ «Ховар» дар Кумитаи меъморӣ ва сохтмони мамлакат хабар доданд.
Гурӯҳи корӣ бо сохтмон ва иншооти бунёдшудаи шафати баҳр, дарёҳо ва нимҷазираҳои шаҳри Дубайи Амороти Муттаҳидаи Араб ва шаҳри Давҳаи Давлати Қатар шинос гардид.
Гурӯҳи корӣ дар шаҳри Дубайи Амороти Муттаҳидаи Араб бо роҳбарияти ширкати лоиҳакашию машваратии байналмилалӣ- JT & Partners (JT+P) вохӯрӣ намуда, бо сохтор ва ташкили корҳои лоиҳакашии ин ширкат шинос шуд. Ҳамзамон бо ширкати бонуфузи сохтмонии «Azizi Developments», United Development Company (UDC), PREMIUM construction ва Lagoon Qatar вохӯрии судманд анҷом дода шуд.
Гурӯҳи корӣ дар шаҳри Дубайи Амороти Муттаҳидаи Араб ва шаҳри Давҳаи Давлати Қатар доир ба масъалаҳои шаҳрсозӣ, рушди ҳудудҳо ва маҳалҳои аҳолинишин дар ҳамбастагӣ бо дурнамоҳои рушди иҷтимоию иқтисодии онҳо, рушди соҳаи сайёҳӣ, инфрасохтори иҷтимоӣ, муҳандисӣ ва нақлиётии маҳалҳои аҳолинишин, ҳамзамон бунёди эстакадаҳо ва роҳҳои ҳудуди маҳаллаҳо, таъмини ягонагӣ ва рушди ба худ хоси муҳити меъморию фазоӣ, равандҳои замонавӣ дар меъморӣ, шаҳрсозӣ, сохтмон ва дигар омилҳо, ки ба рушди шаҳрсозии ҳудудҳо замина мегузорад, табодули таҷриба намуд.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
Имрӯз дар Тоҷикистон ҳаво тағйирёбандаи бебориш пешгӯӣ мешавад
Таҳти унвони «Зеҳни сунъӣ ва омилҳои таъсирасон ба маърифати насли наврас» конференсия доир шуд
Дар Маркази тадқиқоти стратегӣ оид ба масъалаи тарбияи кадрҳои илмӣ ҳамоиш доир шуд
Дар Екатеринбург вохӯрии масъулини Сафорати Тоҷикистон бо ҷавонон ва донишҷӯёни тоҷик доир гардид
Файзалӣ Идизода дар Конфронси байналмилалии парламентӣ дар Ҷумҳурии Озарбойҷон иштирок намуд
Имрӯз дар водиҳои Тоҷикистон ҳаво то 27 дараҷа гарм мешавад
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
