«ХИРАД МОРО БА ДОНИШ РАҲНАМУН АСТ…». Даври сеюми олимпиадаи ҷумҳуриявӣ оғоз ёфт
ДУШАНБЕ, 18.05.2024. /АМИТ «Ховар»/. Бахшида ба Соли маърифати ҳуқуқӣ эълон гардидани соли 2024 дар Донишгоҳи давлатии тиббии Тоҷикистон ба номи Абӯалӣ ибни Сино таҳти унвони «Хирад моро ба дониш раҳнамун аст…» байни донишҷӯёни болаёқату соҳибистеъдоди муассисаҳои таҳсилоти олии касбӣ даври сеюми олимпиадаи ҷумҳуриявӣ оғоз гардид. Дар ин хусус АМИТ «Ховар» бо истинод ба маркази матбуоти Вазорати маориф ва илми Ҷумҳурии Тоҷикистон хабар медиҳад.
Дар олимпиадаи ҷумҳуриявӣ аз 47 муассисаи таҳсилоти олии касбӣ намояндагони 42 муассиса бо теъдоди 470 довталаб иштирок намуда, аз рӯйи 15 фанни таълимӣ байни ҳам сабқат менамоянд.
Иброз гардид, ки дар даврони соҳибистиқлолӣ насли ҷавони моро зарур аст, ки ҳарчи бештар ба илмҳои дақиқу бунёдӣ ва омӯзиши забонҳои хориҷӣ рӯ оварда, аз дастовардҳои илму техникаи муосир бархурдор гардад. Барои ин аз ҷониби Ҳукумати мамлакат ва махсусан Президенти Ҷумҳурии Тоҷикистон муҳтарам Эмомалӣ Раҳмон тамоми имконияту шароити мусоид фароҳам оварда шудааст.
Вазири маориф ва илми Ҷумҳуриии Тоҷикистон Раҳим Саидзода таъкид намуд, ки мақсад аз баргузории озмун таблиғи донишҳои назариявӣ, дарёфти истеъдодҳои ҷавон, инкишоф додани неруи ақлӣ, баланд бардоштани савияи дониш, маърифату ҷаҳонбинӣ ва сатҳи тафаккури донишҷӯёни муассисаҳои таҳсилоти олии касбӣ мебошад. Ҳамасола шумораи иштирокчиён меафзояд, ки ин нишонаи рушди ҳаракати олимпӣ дар мамлакат мебошад.
Бояд гуфт, ки олимпиада ба ташаккул ва ҷаҳонбинии донишҷӯён таъсири мусбат мерасонад.
АКС: Маркази матбуоти Вазорати маориф ва илми Ҷумҳурии Тоҷикистон
«Гимназияи ба номи Ҷалол Икромӣ»-и ноҳияи Ховалинг барои 456 хонанда дар як баст пешбинӣ шудааст
«ШОҲНОМАХОНӢ». Дар Кӯлоб барои баргузории озмуни ҷумҳуриявӣ ҳамоиш доир гардид
Доир ба Истиқлолияти давлатӣ ва рушди саноати миллӣ конференсияи ҷумҳуриявӣ баргузор шуд
Истиқлолият ва таҳкими пояҳои давлатдорӣ дар партави рушди маориф
САМАРАИ ИСТИҚЛОЛИЯТ. Дар Тоҷикистон шумораи мактабҳои шакли нав бештар гардидааст
Дар давраи соҳибистиқлолии Тоҷикистон фанҳои табиию риёзӣ бештар рушд намуданд
МАОРИФ ВА ИСТИҚЛОЛИ ДАВЛАТӢ. Музди меҳнати кормандони ин соҳа давра ба давра беш аз 20 баробар зиёд карда шуд
МАОРИФ — ЗАМИНАИ УСТУВОРИ РУШДИ ВАҲДАТУ ИСТИҚЛОЛИЯТ. Дар ҳошияи суханронии Президенти Тоҷикистон дар Рӯзи дониш
ШУКУҲИ ИСТИҚЛОЛ. Таҳти ин унвон дар Донишгоҳи давлатии Бохтар ҳамоиш доир гардид
Дар шаҳри Турсунзода ба муносибати 34-солагии Истиқлоли давлатӣ ҷамъомади тантанавӣ баргузор гардид
«МАН — НАСЛИ ИСТИҚЛОЛ». Стипендияи байналмилалии Президенти Ҷумҳурии Тоҷикистон «Дурахшандагон» имкони беҳтарин барои таҳсил аст
Китоби «Тоҷикон» ба забони туркӣ рӯнамоӣ гардид
