ИЛОҶИ ВОҚЕА ҚАБЛ АЗ ВУҚУЪ. Дар беш аз 30 ҳазор гектар замини вилояти Хатлон хуруҷи малах сабт шудааст
ДУШАНБЕ, 02.05.2024 /АМИТ «Ховар»/. Дар ноҳияҳои вилояти Хатлон то охири моҳи апрел дар 30 803 гектар пайдоиш ва хуруҷи малах сабт шудааст, ки барои пешгирии он Ситоди мубориза бар зидди малах таъсис дода шуд. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.
Гуфта шуд, ки бар асари тағйирёбии иқлим имсол низ дар ноҳияҳои ҷанубии вилояти Хатлон — Панҷ, Ҷалолиддини Балхӣ, Вахш, Шаҳритус ва Қубодиён хуруҷи малахи марокашӣ мушоҳида мешавад. Корҳои кимиёвӣ бар зидди малахи марокашӣ аз моҳи март идома дошта, давоми се марҳила гузаронида мешаванд.
Дар айни замон дар талу теппаҳои шаҳру ноҳияҳои Кӯшониён, Левакант, Вахш, Панҷ, Хуросон, Қубодиён, Абдураҳмони Ҷомӣ корҳои безараргардонӣ бар зидди малах идома доранд.
Ба гуфти мутахассисон, малахи марокашӣ аслан дар минтақаҳое, ки барои гузаронидани коркарди кимиёвӣ дастнорас мебошанд, тухм гузошта, давра ба давра аз доманакӯҳҳо ба водиҳо ва марзҳои кишоварзии вилояти Хатлон мефарояд.
Иттилоъ дода шуд, ки дар мавсими имсола дар 72 895 гектар коркарди кимиёвӣ бар зидди малахи марокашӣ ба нақша гирифта шудааст.
АКС: Хадамоти матбуоти Раиси вилояти Хатлон
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
Дар Душанбе масъалаи таъминоти сӯзишворӣ дар бозори истеъмолӣ ва танзими нархи он баррасӣ шуд
Ваколатдор оид ба ҳуқуқи инсон бо Раиси Кумитаи миллӣ оид ба ҳуқуқи инсони Давлати Қатар вохӯрӣ намуд
Лоиҳаи пеш аз асосноккунии техникӣ-иқтисодии сохтмони метро дар шаҳри Душанбе ҷамъбаст гардид
ОБЁРИИ ҚАТРАГӢ ЧӢ БАРТАРӢ ДОРАД? Шарҳи коршинос дар ин мавзуъ
Дар Тоҷикистон беш аз 14 ҳазор гектар шолӣ кишт карда шудааст
Хатсайри қатораи Душанбе – Москва — Душанбе пас аз 6 сол барқарор гардид
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
