Изҳороти Шурои сиёсии Ҳизби демократи Тоҷикистон
ДУШАНБЕ, 08.05.2024. /АМИТ «Ховар»/. Имрӯз ба унвони АМИТ «Ховар» изҳороти Шурои сиёсии Ҳизби демократи Тоҷикистон ворид гардид.
Дар он, аз ҷумла омадааст:
«Изҳороти Саидҷаъфар Усмонзода аз номи Ҳизби демократи Тоҷикистон дар саҳифаи фейсбук бар хилофи талаботи оинномаи Ҳизби демократи Тоҷикистон мебошад. Ҳафт нафар аъзои Шурои сиёсии ҲДТ (аз ҷумлаи 11 нафар) рӯзи 6-уми апрели соли ҷорӣ дар шаҳри Душанбе ҷаласаи Шурои сиёсии ҳизбро баргузор карданд, ки ин мутобиқ ба талаботи оинномаи ҳизб (банди 4.7.17 – аз 3/2 аъзои Шурои сиёсӣ) мебошад. Хотиррасон мекунем, ки ин ҳафт нафар дар поёни қарори Шурои сиёсӣ имзо гузоштаанд. Ба ҳамин асос рӯзномаи «Ҷумҳурият» №83 аз 3-юми май ва хабаргузории расмии АМИТ «Ховар» аз 7-уми майи соли ҷорӣ қарори Шурои сиёсӣ ва даъвати Анҷумани XVIII ҲДТ-ро ба нашр расонданд.
Вале имрӯз 08.05.2024 Усмонзода бар хилофи талаботи оинномаи ҳизб ба таври ғайрирасмӣ аз номи Шурои сиёсӣ баргузории ҷаласа ва қабули қарорҳоро эълон кардааст. Аз 11 нафар аъзои Шурои сиёсӣ танҳо 4 нафар метавонист дар ҷаласаи ӯ иштирок кунанд, ки ин миқдор ба талаботи оиннома мухолиф аст. Ин дар ҳолест ки як нафар аъзои шуро дар ВМКБ ва як нафари дигар дар берун аз Тоҷикистон қарор доранд.
Мо аъзои Шурои сиёсӣ чунин рафтори С. Усмонзодаро ғайриодилона ва мухолифи оинномаи ҲДТ медонем ва талаб мекунем, ки аз чунин равишҳои зиддиоинномавӣ даст бикашад.
Шурои сиёсии ҲДТ бо такя ба ормонҳои миллӣ ва давлати миллӣ барои пешрафти ҷомеи кишвар дар доираи қонунҳои ҷории давлати Тоҷикистон амал мекунад.
Ба ҳамаи вакилони Анҷумани ғайринавбатии XVIII ҲДТ мерасонем, ки Анҷуман дар вақти таъйиншуда баргузор мешавад ва С. Усмонзода ва дигар аъзои Шурои сиёсӣ метавонанд дар кори он иштирок кунанд».
Ҳамчунин аз номи Алишер Идизода, ки аз соли 1989 узви Ҳизби демократи Тоҷикистон мебошад, ба унвони АМИТ «Ховар» изҳорот ворид шуд, ки дар он чунин гуфта мешавад:
«Изҳороти ошуфтаи Саидҷаъфар Усмонзода аз номи Ҳизби демократи Тоҷикистон дар Фейсбук боиси нигаронӣ ва афсус аст. Ман ҳамчун узви ҲДТ аз рафтори Усмонзода хеле нороҳатам, зеро дар Шурои номниҳоди ӯ, дар таърихи 8-уми майи соли ҷорӣ ман иштирок надоштам. Вале ӯ маро дар ғайбам ва бе хоҳиши худам узви Шуро эълон кардааст. Ман аз чунин тарзи рафтори Усмонзода қатъиян норозӣ мебошам ва боварӣ дорам, ки сохторҳои дахлдор ба ин амали густохона баҳои ҳуқуқӣ медиҳанд».
АКС аз манбаъҳои боз
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Доир ба ташаббусҳои Пешвои миллат дар шаҳри Хоруғ конфронси ҷумҳуриявӣ баргузор шуд
137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
Дар ноҳияи Дарвоз оид ба истифодаи сарфакоронаи неруи барқ вохӯрӣ доир гардид
ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
Сокинони ноҳияи Файзобод дар заминҳои наздиҳавлигӣ бештар картошка парвариш менамоянд
ИСТИФОДАИ САМАРАНОКИ ЗАМИН. Сокинони деҳаи Навдеҳи шаҳри Норак таҷрибаи пешқадами кишоварзони ҷаҳонро меомӯзанд
Имрӯз ҳаво дар шаҳри Душанбе то 37 дараҷа гарм мешавад
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
