Масъалаи таъсиси Платформаи муштараки сармоягузории Тоҷикистон ва Чин дар Душанбе баррасӣ шуд
ДУШАНБЕ, 30.05.2024. /АМИТ «Ховар»/. Масъалаи таъсиси Платформаи муштараки сармоягузорӣ дар мулоқоти Раиси Бонки миллии Тоҷикистон Фирдавс Толибзода бо директори генералии Бунёди «Роҳи абрешим»-и Ҷумҳурии Мардумии Чин Тсай Сиютзюн дар Душанбе баррасӣ гардид, хабар медиҳад АМИТ «Ховар» бо истинод ба Бонки миллии Тоҷикистон.
Раиси Бонки миллии Тоҷикистон иброз намуд, ки таҳкими рушди муносибатҳои дуҷониба бо Ҷумҳурии Мардумии Чин яке аз самтҳои афзалиятноки сиёсати хориҷии Ҷумҳурии Тоҷикистон мебошад. Инчунин Тоҷикистон иштирокчии фаъоли ташаббуси «Як камарбанд — як роҳ»буда, давоми солҳо механизми муназзами ҳамкорӣ ва муколама байни ду давлат ба вуҷуд омада, ҳамкорӣ дар доираи ин ташаббус сол аз сол рушд меёбад.
Дар робита ба ин даъват ба амал оварда шуд, ки сармояи Чин дар ташкилоти қарзии Тоҷикистон ва ширкатҳои суғуртавӣ афзоиш дода шавад. Гуфта шуд, ки дар Тоҷикистон шароити мусоид баҳри кушодани бонкҳои хориҷӣ ва филиалҳои онҳо фароҳам оварда шуда, ягон монеа барои сармоягузорӣ дар бахши бонкӣ ва суғурта дида намешавад.
Директори генералии Бунёди «Роҳи абрешим» доир ба саҳми сармояи Чин дар иқтисоди Тоҷикистон, имконоти сармоягузории хориҷӣ дар низоми бонкӣ ва самтҳои дигари ҳамкорӣ ибрози назар намуд.
Дар мулоқот дар баробари шиносоӣ бо вазъи кунунии низоми бонкӣ ва нишондиҳандаҳои макроиқтисодии Ҷумҳурии Тоҷикистон ҷонибҳо лоиҳаҳои афзалиятнок ва густариши ҳамкориро муҳокима намуданд.
Ҷонибҳо изҳори боварӣ намуданд, ки ба имзо расонидани Ёддошти тафоҳум дар бораи таъсиси «Платформаи муштараки сармоягузорӣ Чину Тоҷикистон» барои амалӣ шудани ҳадафҳои дар мулоқот баёншуда кумак менамояд.
АКС: Бонки миллии Тоҷикистон
Байни Тоҷикистон ва Иттиҳоди Аврупо Созишномаи молиявӣ оид ба гузариши «сабз» тавассути таъсиси занҷираи арзиши иловашудаи пахта ба имзо расид
Пажуҳишгоҳи амрикоии «Gallup» Тоҷикистонро аз лиҳози амнияту субот дар ҷойи сеюм қарор дод
Ҷаласаи Шурои байнидавлатӣ оид ба сиёсати зиддиинҳисории кишварҳои аъзои Иттиҳоди Давлатҳои Мустақил баргузор шуд
ҚУРБИ АСЪОР: дар Тоҷикистон 1 доллари ИМА аз 10.9135 то 10.9500 сомонӣ муқаррар шудааст
Дар шаҳри Ҳисор дар майдони беш аз 7500 гектар кишти тирамоҳӣ гузаронида шуд
Бонки миллии Тоҷикистон: «Ба шахсони бегона маълумоти шахсии худро надиҳед»
Аз ҷониби сармоягузорони Чин ба иқтисодиёти Тоҷикистон 2,6 миллиард доллар сармоя ворид шудааст
ҚУРБИ АСЪОР: дар Тоҷикистон 1 рубли русӣ аз 0. 1009 то 0.1030 сомонӣ муқаррар шудааст
Кишоварзони ноҳияи Лахш беш аз 75 ҳазор тонна картошкаи хушсифат истеҳсол намуданд
Дар Тоҷикистон беш аз 2 миллион тонна ангишт истихроҷ гардидааст
Барномаи рушди соҳаи механиконии инноватсионии кишоварзӣ дар Ҷумҳурии Тоҷикистон баррасӣ гардид
Бонки миллии Тоҷикистон вазъи бозори дохилии асъор ва сиёсати қурбиро шарҳ дод
