Мавсума Муинӣ: «Ҳукумати Тоҷикистон баҳри таъмини риояи ҳуқуқҳои конститутсионии занон тадбирҳои муҳим меандешад»
ДУШАНБЕ, 14.05.2024 /АМИТ «Ховар»/. Дар Тоҷикистон таҳти сарварии Президенти Ҷумҳурии Тоҷикистон муҳтарам Эмомалӣ Раҳмон дар даврони соҳибистиқлолӣ барои таъмини риояи ҳуқуқҳои конститутсионии занон, таҳкими нақши занон дар ҷомеа ва ҳалли муҳимтарин масъалаҳои марбут ба занон тадбирҳои зарурӣ андешида мешаванд. Ин нуктаро муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар Форуми занони Осиё дар Самарқанд баён дошт.
АМИТ «Ховар» бо истинод ба Маҷлиси намояндагон иттилоъ медиҳад, ки муовини Раиси Маҷлиси намояндагон доир ба мавзуи форум — «Равиши минтақавӣ дар масъалаҳои тавсеаи ҳуқуқ ва имконоти иқтисодӣ, иҷтимоӣ ва сиёсии занон» ибрози андеша намуд.
Тавре изҳор карда шуд, дар солҳои истиқлолият Тоҷикистон дар самти аз байн бурдани қолабҳои гендерӣ ва таъмини сиёсати самарабахши гендерӣ, ки самти афзалиятноки сиёсати иҷтимоии давлати мо мебошад, корҳои бузурге анҷом дод.
Гуфта шуд, ки имрӯз занони Тоҷикистон дар зинаҳои гуногун дар тамоми соҳаҳои ҳаёт-дар мақомоти олии қонунгузор, ҳокимияти судӣ ва иҷроия, сохторҳои давлатӣ ва иттиҳодияҳои ҷамъиятӣ фаъол буда, дар рушди соҳаҳои ҷомеа саҳми арзанда доранд.
Аз шумораи умумии хизматчиёни давлатӣ 25 фоиз, аз чумла дар вазифаҳои роҳбарикунанда қариб 20 фоизро занон ташкил медиҳанд.
Зиёда аз нисфи коркунони тиб, илм, маориф ва хизматрасонии иттилоот занон мебошанд. Масалан, шумораи умумии занон дар соҳаи маориф 73 фоиз, тандурустӣ 71 фоиз, фарҳанг 47 фоиз, бонкдорӣ 39 фоиз, алоқа 25 фоиз ва дар соҳаи хизматрасонии иттилоотӣ қариб 40 фоизро ташкил медиҳад.
Дар Форуми занони Осиё, ки 13 май дар Самарқанд оғоз гардид, ҳайатҳои баландпоя аз 40 давлати ҷаҳон ва созмонҳои байналмилалӣ иштирок доранд.
Дар кори анҷуман ҳамчунин Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ва узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният Аюбӣ Бибиосия иштирок ва суханронӣ намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи маҷозии Муколамаи занон – роҳбарони Осиёи Марказӣ доир шуд
Файзалӣ Идизода дар ҷаласаи Шурои Ассамблеяи парламентии СААД дар шаҳри Москва иштирок намуд
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
