«МИРЗО ТУРСУНЗОДА-ЧЕҲРАИ МОНДАГОРИ АДАБУ ФАРҲАНГИ ТОҶИК». Дар Донишгоҳи миллии Тоҷикистон ҳамоиши байналмилалӣ доир шуд
ДУШАНБЕ, 04.05.2024. /АМИТ «Ховар»/. Бахшида ба зодрӯзи Шоири халқии Тоҷикистон, Қаҳрамони Тоҷикистон, устод Мирзо Турсунзода таҳти унвони «Мирзо Турсунзода — чеҳраи мондагори адабу фарҳанги тоҷик» дар Донишгоҳи миллии Тоҷикистон ҳамоиши байналмилалӣ ва маҳфили «Турсунзодахонӣ» баргузор гардид, хабар доданд ба АМИТ «Ховар» дар Донишгоҳи миллии Тоҷикистон.
Дар бахши аввал устодону шогирдони факултетҳои филологияи тоҷик, журналистика, забонҳои Осиё ва Аврупо ба зиёрати оромгоҳи шоир ба Лучоби зебоманзар рафта, бо гулгузориву шеърхонӣ ва ёдкарди фазилатҳои неки шоир руҳи ӯро шод карданд.
Дар бахши дуюм бо иштироки меҳмонон аз сохторҳои гуногуни илмию адабии ҷумҳурӣ ва берун аз он дар бинои асосии Донишгоҳ ҳамоиши «Мирзо Турсунзода — чеҳраи мондагори адабу фарҳанги тоҷик» доир гардид, ки ба маҳфили 44-уми «Турсунзодахонӣ» рост омад.
Дар ҳамоиш мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода иброз дошт, ки устод Мирзо Турсунзода тавонист миллати тоҷикро чун халқи сулҳпарвару ба дӯстиву рафоқат устувор ба ҷаҳониён муаррифӣ намояд.
Ректори Донишгоҳи миллии Тоҷикистон изҳор намуд, ки устод Мирзо Турсунзода мунодии сулҳу дӯстӣ, нависандаи равшанзамир, машъалдори роҳи озодиву истиқлол, парчамбардори матини илму адаб ва фарҳанги миллии тоҷикон аз сӯи ҷомеаи ҷаҳонӣ эътироф гардидааст.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар асари «Чеҳраҳои мондагор» навиштаанд, ки «Мирзо Турсунзода ҳамнафасу ҳамқадами Ҷумҳурии Тоҷикистон буд ва имрӯз низ бо осори пурмазмунаш ҳамзамони мо аст. Мирзо Турсунзода, пеш аз ҳама, шоири миллии халқи тоҷик аст».
Гуфта шуд, ки шоири саршиноси тоҷик устод Мирзо Турсунзода мутааллиқ ба ҳамаи ҷаҳон буда, паёмаш бо мамлакати худаш маҳдуд нагашта, арзиши ҷаҳонӣ дорад. Тараннуми дӯстии халқҳо аз ҷумлаи мавзуоти меҳварии ашъори устод Мирзо Турсунзода ба шумор меравад. Ин нишони он аст, ки симои шоири миллии мо ба ҳукми чеҳраи нотакрори сулҳпарвар ватарғибгари дӯстии халқҳои олам дар саросари ҷаҳон муаррифӣ гардидааст.
АКС: АМИТ «Ховар»
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Маркази «Ганҷинаи ҳунаристони маърифат ва фарҳанги миллӣ» ба фаъолият оғоз намуд
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
Дар Хуҷанд сохтмони бинои иловагии гимназияи рақами№4 оғоз гардид
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
«ИЛМ — АСОСИ РУШДИ ИННОВАТСИЯ». Дар Донишгоҳи техникии Тоҷикистон конференсияи XI байналмилалии илмӣ доир шуд
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
«ТОҶИКИСТОН — ВАТАНИ АЗИЗИ МАН». Дар Донишгоҳи давлатии ҳуқуқ, бизнес ва сиёсати Тоҷикистон даври донишгоҳии озмун доир шуд
Дар Хатлон доир ба таъмини муассисаҳои таълимӣ бо ғизо вохӯрӣ баргузор гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
