«ВАСФИ ҶАВОНӢ». Дар доираи баргузории моҳвораи ҷавонон озмун эълон гардид
ДУШАНБЕ, 04.05.2024. /АМИТ «Ховар»/. «Васфи ҷавонӣ»- таҳти чунин унвон дар доираи баргузории моҳвораи ҷавонон бахшида ба Рӯзи ҷавонони Тоҷикистон озмуни ҷумҳуриявӣ баргузор мегардад. Дар ин хусус ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Озмун бо мақсади баланд бардоштани мавқеъ ва мақоми ҷавонон дар ҷомеа, эҳтирому муҳаббат ба Ватан ва васфи саодати баланди ҷавонони Тоҷикистон, кашфи муаллифони боистеъдод, эҷодкор ва навовару бомаҳорат, тарғиб ва муаррифии муваффақияти ҷавонони солҳои соҳибистиқлолӣ, васфи хотироти ҷавонии фарзонагони миллат ва фарзандони фарзонаи сатҳи ҷумҳурӣ ва ҷаҳонии он гузаронида мешавад.
Озмуни ҷумҳуриявӣ аз рӯи се номинатсия: беҳтарин маводи насрӣ (ҳама навъи асарҳои насрӣ), беҳтарин маводи назмӣ (ҳама навъи асарҳои назмӣ) ва беҳтарин суруди ифодакунандаи қадру манзалати ҷавонӣ натиҷагирӣ карда мешавад.
Барои баҳогузорӣ ба истеъдоди довталабон ҷадвали 10-хола муқаррар карда шудааст. Ғолибони озмун бо мукофотҳои пулӣ, диплом ва туҳфаҳои хотиравӣ қадрдонӣ карда мешаванд.
Кумита барои ҷоизадори мақоми аввал дар ҳар се номинатсия 5 000 сомонӣ (ба 3 нафар, ҷамъ 15 000 сомонӣ), барои ду ҷойи дуюм дар ҳар се номинатсия 3 000 сомонӣ (ба 6 нафар дар маҷмуъ 18 000 сомонӣ) ва барои се ҷойи сеюм дар ҳар се номинатсия 2 000 сомонӣ (ба 9 нафар, дар маҷмуъ 18 000 сомонӣ) пешбинӣ намудааст.
Озмун аз 3 то 27 май идома ёфта, дар он довталабони аз 17 то 35-сола иштирок карда метавонанд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
РУШДИ ИЛМУ МАОРИФ. Дар Донишгоҳи давлатии Хуҷанд конференсияи илмӣ-амалӣ баргузор шуд
Дар панҷ соли оянда дар ҳар маҳалли аҳолинишин, ки 100 оила зиндагӣ мекунад, бояд як муассисаи томактабӣ бунёд карда шавад
ПАЁМ-РОҲНАМОИ ИМРӮЗУ ФАРДОИ ДУРАХШОН. Дар Донишгоҳи миллии Тоҷикистон ҳамоиши илмӣ-назариявӣ баргузор гардид
ПАЁМИ ПРЕЗИДЕНТ-РОҲНАМОИ ИМРӮЗУ ФАРДО. Оид ба он дар Донишгоҳи давлатии Кӯлоб ҳамоиш доир гардид
Президенти Тоҷикистон: «Омӯзиши забонҳои хориҷӣ аз зинаи таҳсилоти томактабӣ ба роҳ монда шавад»
Дар 5 соли оянда барои фарогирии 50 фоизи кӯдакони синни томактабӣ бунёди 800 муассисаи таҳсилоти томактабӣ зарур аст
Дар заминаи Донишкадаи технология ва менеҷменти инноватсионии шаҳри Кӯлоб Донишгоҳи инноватсия ва технологияҳои рақамӣ таъсис меёбад
Эмомалӣ Раҳмон: «Дар замони соҳибистиқлолӣ беш аз 117 ҳазор ҷавонон барои таҳсил ба донишгоҳҳои бонуфузи пешрафтаи ҷаҳон фиристода шуданд»
Донишҷӯёни тоҷик дар Русия дар ҷаласаи шурои маҳфили «Ҷавононе, ки дар хориҷи мамлакат таҳсил доранд» иштирок намуданд
