Вазири корҳои хориҷии Тоҷикистон дар ҷаласаи Шурои вазирони корҳои хориҷии Созмони ҳамкории Шанхай иштирок намуд
ДУШАНБЕ, 21.05.2024 /АМИТ «Ховар»/. 20-21 май дар Остона Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи Шурои вазирони корҳои хориҷии Созмони ҳамкории Шанхай иштирок намуд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Вазирон бо тавваҷуҳ ба омодагӣ ба ҷаласаи Шурои сарони давлатҳо (3-4 июл, Остона) масъалаҳои ҷории рӯзномаи Созмони ҳамкории Шанхай ва дурнамои рушди ҳамкорӣ дар доираи Созмонро мавриди баррасӣ қарор дода, атрофи масоили мубрами рӯзномаи байналмилалӣ ва минтақавӣ табодули афкор намуданд. Таваҷҷуҳи махсус ба мавзуи такмили Созмони ҳамкории Шанхай зоҳир гардид.
Сироҷиддин Муҳриддин мавқеи Тоҷикистонро дар робита ба масъалаҳои рӯзномаи кунунии Созмони ҳамкории Шанхай бо тамаркуз ба авлавияти мамлакат дар созмон муаррифӣ намуд.
Вазири корҳои хориҷӣ ҳамчунин аз раванди пешбурди масъалаи таъсиси Маркази зиддимухаддиротии Созмони ҳамкории Шанхай дар шаҳри Душанбе, тасдиқи Нақшаи чорабиниҳо дар бораи татбиқи Стратегияи рушди иқтисодии Созмони ҳамкории Шанхай то соли 2030, ки бо ташаббуси Президенти Ҷумҳурии Тоҷикистон қабул шуд, инчунин таъсиси механизми нави ҳамкорӣ дар соҳаи зиддиинҳисорӣ изҳори қаноатмандӣ кард.
Дар интиҳои ҷаласа роҳбарони ҳайатҳо номгӯи ҳуҷҷатҳо ва қарорҳои Шурои сарони давлатҳо, ҳисобот дар бораи фаъолияти Котиботи Созмони ҳамкории Шанхай давоми сол ва лоиҳаи ҳисоботи дабири кулл дар бораи фаъолияти Созмонро тасдиқ карданд.
Дар ҳошияи ҷаласа вазирони корҳои хориҷии давлатҳои Созмони ҳамкории Шанхайро Президенти Ҷумҳурии Қазоқистон, Раиси Шурои сарони давлатҳои Созмони ҳамкории Шанхай Қосим-Жомарт Токаев ба ҳузур пазируфт.
АКС: Вазорати корҳои хориҷии Ҷумҳурии Тоҷикистон
Ҷаласаи навбатии Шурои ҷамъиятии назди Сафорати Тоҷикистон дар Русия баргузор гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
