35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар Хоруғ бунёду навсозии 300 иншоот ба нақша гирифта шудааст
ДУШАНБЕ, 21.06.2024 /АМИТ «Ховар»/. Аз ҷониби Мақомоти иҷроияи ҳокимияти давлатии шаҳри Хоруғ ба ифтихори ҷашни 35-умин солгарди Истиқлолияти давлатии Ҷумҳурии Тоҷикистон сохтмони 300 иншооти ҷашнӣ ба нақша гирифта шудааст. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Хоруғ хабар медиҳад.
Имрӯзҳо корҳои сохтмонӣ дар иншооти ҷашнии шаҳри Хоруғ бо маром идома дошта, дар остонаи ҷашни 33-солагии Истиқлоли давлатӣ чанде аз онҳо, ба монанди навсозии «Боғи Ғалаба ба номи Сайфулло Абдулло» дар шаҳри Хоруғ, таъмири каналҳои обёрии Шошхоруғ, Темур ва Додихудо ва ҳамзамон дар доираи Лоиҳаи таҳкими устуворгардонӣ тавассути рушди ҳамгироии шаҳрӣ, чароғонкунии кӯчаҳои шаҳри Хоруғ дар асоси лампаҳои офтобӣ ба анҷом расонида шудаанд.
Мақомоти иҷроияи ҳокимияти давлатии шаҳри Хоруғ дар давоми се соли охир бо дастгирии Президенти Ҷумҳурии Тоҷикистон муҳтарам Эмомалӣ Раҳмон, шарикони рушд ва соҳибкорони ватанӣ як қатор иншооти муҳими иқтисодӣ — иҷтимоиро сохта мавриди баҳрабардорӣ қарор додааст.
Ба иттилои манбаъ, айни ҳол дар шаҳри Хоруғ сохтмони 51 иншооти дигар идома дорад.
Бояд иброз намуд, ки сохтмони иншооте, ки берун аз нақша ҳастанд дар соли 2023 ба 30 адад мерасид ва ба ҳолати 1 июни соли равон бошад шумораи чунин иншоот 21 ададро ташкил дод. Яъне, айни ҳол сохтмони 51 адад иншооти берун аз нақша идома дорад.
Дар асоси Қарори Маҷлиси вакилони халқи шаҳри Хоруғ 51 иншооти сохтмонӣ ба нақшаи 35-солагии Истиқлолияти давлатии Ҷумҳурии Тоҷикистон ворид карда шуда, айни ҳол шумораи иншооти ҷашни ба 300 адад расидааст.
АКС: Мақомоти иҷроияи ҳокимияти давлатии шаҳри Хоруғ
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
