Ҳайати бонуфузи Чин ҷиҳати иштирок дар Форуми занон вориди Хуҷанд шуданд
ДУШАНБЕ, 19.06.2024. /АМИТ «Ховар»/. Тавре қаблан иттилоъ додем, 18 июн ҳайати бонуфузи Ҷумҳурии Мардумии Чин ҷиҳати иштирок дар Вохӯрӣ-Мулоқоти занони Тоҷикистону Чин, ки 20 июн дар шаҳри Хуҷанд баргузор мегардад, ба шаҳри Душанбе омад. Меҳмонон аз шаҳри Душанбе ба шаҳри Хуҷанд рафта, имрӯз дар маросими ифтитоҳи Намоишгоҳи муштараки расмҳои рассомони Тоҷикистон «Симои зан» ва симои каллиграфияи устодони чинӣ «Маънии ҳаёт» дар «Қалъаи Хуҷанд»-и шаҳри Хуҷанд иштирок намуда, дар ин ҷо намоишгоҳи ҳунарҳои мардумӣ, Осорхонаи таърихии вилояти Суғд ва Осорхонаи археологию фортификатсионии шаҳрро тамошо мекунанд. Дар ин хусус АМИТ «Ховар» бо истинод ба маркази матбуоти Раиси шаҳри Хуҷанд хабар медиҳад.
20 июн дар шаҳри Хуҷанд Форуми занони Тоҷикистону Чин баргузор мегардад.
Бояд гуфт, ки бо шарофати сиёсати хирадмандона ва иродаи олии сиёсии роҳбарони ҳарду давлат —Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии Мардумии Чин Си Ҷинпин ҳамкории стратегии мамлакатҳои мо ба сатҳи сифатан баланд баромада, дар соҳаҳои алоҳидаи иқтисодиёт сол то сол афзоиш меёбад.
АКС: Дафтари матбуоти Раиси шаҳри Хуҷанд
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
