Ҷаласаи ҳисоботӣ-интихоботии Ташкилоти ибтидоии ҳизбии «Авиатсияи миллӣ» баргузор шуд
ДУШАНБЕ, 26.06.2024 /АМИТ «Ховар»/. 26 июн ҷаласаи ҳисоботӣ-интихоботии Ташкилоти ибтидоии ҳизбии «Авиатсияи миллӣ»- Агентии авиатсияи граждании назди Ҳукумати Ҷумҳурии Тоҷикистон баргузор гардид, ки дар он аъзои раёсат, раис, муовини раиси ташкилоти ибтидони ҳизб аз нав интихоб шуданд. Дар ин хусус АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон хабар медиҳад.
Аз рӯи масъалаи якуми рӯзнома, ҳисоботи раиси Ташкилоти ибтидоии ҳизбии «Авиатсияи миллӣ» Ҳабибулло Назарзода оид ба ҷамъбасти натиҷаҳои фаьолият дар давраи ҳисоботӣ- аз моҳи июни соли 2023 то моҳи июни соли 2024 ва вазифаҳо барои минбаьда шунида шуд.
Таъкид гардид, ки дар давраи ҳисоботӣ дар Ташкилоти ибтидоии ҳизбии «Авиатсияи миллӣ» бахшида ба ҷашнҳои давлатию миллӣ, аз ҷумла Рӯзи Артиши миллӣ, Рӯзи Модар, Наврӯзи байналмилалӣ, Рӯзи забони давлатӣ, Ваҳдати миллӣ, Ҷашни Истиқлолияти давлатии Ҷумҳурии Тоҷикистон, ҳамоиш бахшида ба китоби «Тоҷикон», маҷлисҳои умумии ҳизбӣ, соатҳои сиёсӣ, мизҳои мудаввар, конференсияҳои назариявӣ ва вохӯриҳо бо иштироки олимону шахсони баруманди мамлакат баргузор гардиданд.
Инчунин, обуна ба нашрияҳои ҳизбӣ, ки дар маҷмӯъ фаррох нигоҳ доштани доираи иттилоотикунонии ҳизбӣ, холӣ нагузоштани фазои сиёсӣ, ба аъзоён ва хонандагони он расонидани афкори мақсадноки фаъолияти ҳизбӣ мебошад, аз ҷониби ташкилоти ибтидоии ҳизбии «Авиатсияи миллӣ» ба рӯзномаи «Минбари халқ» ва «Мароми пойтахт» сари вақт амалӣ гардид.
Бахшида ба сазовор ҷашн гирифтани 35-солагии Истиқлолияти давлатии Ҷумҳурии Тоҷикистон бинои ташкилот пурра аз таъмири ҷорӣ бароварда шуд.
Сипас бо ҷонибдории аъзои ҳизб ва овоздиҳии озод аъзои раёсати Ташкилоти ибтидоии ҳизбии «Авиатсияи миллӣ» иборат аз 5 нафар интихоб гардиданд. Ҳамзамон Ҳабибулло Назарзода раиси Ташкилоти ибтидоии ҳизбии «Авиатсияи миллӣ» ва Соҷида Каримӣ муовини раис интихоб гардиданд.
Мудири шуъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар ноҳияи Синои шаҳри Душанбе Салоҳиддин Абдуллоев сухан гуфта, оид ба расидан ба қадри хизматҳои шоёни Раиси Ҳизби Халқии Демократии Тоҷикистон муҳтарам Эмомалӣ Раҳмон ва сулҳу суботи мамлакат, тақвият бахшидани фаьолияти ҳизбӣ, тарбияи насли наврас дар руҳияи ватандӯсти ва хештаншиносӣ, вусьат додани корҳои созандагиву бунёдкорӣ, баҳри сазовор ҷашн гирифтани Истиқлолияти давлатии Тоҷикистон ва 30-солагии Ҳизби Халқии Демократии Тоҷикистон ибрози андеша намуд.
Дар охири ҷаласа Раиси ташкилоти ибтидоии ҳизбии «Авиатсияи миллӣ» Ҳабибулло Назарзода ҳозиринро ба Рӯзи Ваҳдати миллӣ табрик намуд.
АКС: Агентии авиатсияи граждании назди Ҳукумати Ҷумҳурии Тоҷикистон
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
Имрӯз дар шаҳри Душанбе ҳаво то 37 дараҷа гарм мешавад
Конфронси илмӣ-адабии «Душанбе — корзори ваҳдатофарӣ ва боргоҳи Ваҳдати миллӣ» баргузор шуд
Дар Вилояти Мухтори Кӯҳистони Бадахшон 9 иншооти саноатӣ ба истифода дода мешавад
Дар Бохтар вобаста ба пешгирии ғарқшавии ноболиғону ҷавонон ҳангоми оббозӣ вохӯрии иттилоотӣ доир шуд
Модарони ваҳдатсаро дар ноҳияҳои Исмоили Сомонӣ, Фирдавсӣ, Сино ва Шоҳмансури пойтахт бо сокинон вохӯрӣ мегузаронанд
АЗ БАРАКАТИ ВАҲДАТИ МИЛЛӢ. Дар ин муддат соҳаи саноат ва кӯҳкорӣ ба як бахши муҳими иқтисоди миллӣ табдил ёфт
«ХИЗМАТ БА ВАТАН ШАРАФ АСТ!». Дар ноҳияи Нуробод ҳамоиши хизматчиёни ҳарбӣ баргузор мешавад
Дар қаламрави Тоҷикистон заминларза ба амал омад
