Байни Тоҷикистон ва Фонди ОПЕК барои маблағгузории лоиҳаи «НБО-и Роғун (Лоти 4)» Ёддошти тафоҳум ба имзо расонида шуд
ДУШАНБЕ, 26.06.2024 /АМИТ «Ховар»/. 24 июн дар шаҳри Венаи Австрия, дар ҳошияи баргузории Форуми рушди Фонди давлатҳои содиркунандаи нафт (ОПЕК) мулоқоти Вазири молияи Ҷумҳурии Тоҷикистон Файзиддин Қаҳҳорзода бо Президенти Фонди давлатҳои содиркунандаи нафт (ОПЕК) оид ба рушди байналмилалӣ доктор Абдулҳамид Алхалифа баргузор шуд.
Тавре АМИТ «Ховар» бо истинод ба Вазорати молияи ҷумҳурӣ хабар медиҳад, дар мулоқот Ёддошти тафоҳум оид ба маблағгузории чаҳорчӯбавӣ байни Ҷумҳурии Тоҷикистон ва Фонди ОПЕК барои маблағгузории лоиҳаи «НБО-и Роғун (Лоти 4)» ба имзо расонида шуд.
Ёддошти тафоҳумро Файзиддин Қаҳҳорзода ва доктор Абдулҳамид Алхалифа ба имзо расониданд.
Инчунин 25 июн вохӯрии Вазири молияи Ҷумҳурии Тоҷикистон Файзиддин Қаҳҳорзода бо Директори генералии Фонди кувайтии рушди иқтисоди Араб – Валид ал — Баҳар доир гардид.
Зимни вохӯрӣ ҳамкории дуҷониба, аз ҷумла рафти татбиқи лоиҳаҳои амалкунандаи муштараки сармоягузорӣ дар Ҷумҳурии Тоҷикистон мавриди баррасӣ қарор дода шуд.
Дар вохӯрӣ инчунин ҷонибҳо вобаста ба ҷалби маблағи кумаки техникӣ барои омодасозии асосноккунии техникию иқтисодии лоиҳаҳои нави афзалиятноки ҷумҳурӣ ва доир ба ҳаммаблағгузории Фонд дар лоиҳаи сохтмони «Неругоҳи барқии обии Роғун» (Лоти 4) ибрози андеша намуданд.
Дар фарҷоми вохӯрӣ ҷонибҳо ҷиҳати рушди ҳамкории мутақобилан судманд дар соҳаҳои афзалиятнок омодагии худро изҳор намуданд.
Зимни иштирок дар Форуми рушди Фонди давлатҳои содиркунандаи нафт (ОПЕК) 25 июн Файзиддин Қаҳҳорзода бо Директори генералии Фонди Абудабӣ оид ба Рушд Муҳаммад Сайф Ал Сувайдӣ вохӯрӣ намуд.
Ҷонибҳо масъалаҳои марбут ба ҳамкории дуҷониба дар самти татбиқи лоиҳаҳои муштараки инфрасохторӣ, махсусан маблағгузории идомаи сохтмони иншооти стратегии ҷумҳурӣ- Неругоҳи барқи обии Роғун (Лоти 4) баррасӣ гардид.
Дар фарҷоми вохӯрӣ ҷонибҳо ҷиҳати рушди ҳамкории мутақобилан судманд дар соҳаҳои мавриди назар омодагии худро изҳор намуданд.
АКС: Вазорати молияи Ҷумҳурии Тоҷикистон
Созишномаи маблағгузории лоиҳаи «Дастрасӣ ба бозорҳо ва мутобиқшавӣ ба чорводорӣ» ба имзо расид
Ҳамкории Тоҷикистон бо СММ дар самти инноватсия ва зеҳни сунъӣ густариш меёбад
РАВАНДИ ОБИ ДУШАНБЕ. Президенти Тоҷикистон пешниҳод намуданд, ки «Чаҳорчӯби Душанбе барои об» таъсис дода шавад
Ҳоким Холиқзода бо муовини якуми Президенти Бонки аврупоии таҷдид ва рушд Марк Боуман мулоқот намуд
Кормандони Агентии авиатсияи гражданӣ дар Осорхонаи миллӣ бо мероси таърихию фарҳангии ниёгон шинос шуданд
Ҳайати Тоҷикистон дар Форуми байналмилалии M360 Eurasia 2026 масъалаҳои рушди рақамиро баррасӣ намуд
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
