Беларус тасмим гирифтааст, ки дар самти омӯзиши геологии қаъри замин аз таҷрибаи геологҳои тоҷик истифода барад

Июнь 13, 2024 17:39

ДУШАНБЕ, 13.06.2024 /АМИТ «Ховар»/. Ҷониби Беларус тасмим гирифтааст, ки аз таҷрибаи геологҳои тоҷик, хусусан дар самти омӯзиши геологии қаъри замин ва рақамикунонии соҳа истифода барад. Дар ин хусус зимни вохӯрии сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода бо Вазири захираҳои табиӣ ва ҳифзи муҳити зисти Ҷумҳурии Беларус Сергей Масляк иброз гардид, хабар медиҳад АМИТ «Ховар» бо истинод ба Саридораи геология.

Мулоқот дар ҳошияи Конфронси сеюми байналмилалии сатҳи баланд оид ба татбиқи «Даҳсолаи байналмилалии амал «Об барои рушди устувор, солҳои 2018-2028» баргузор гардид.

Дар ҷараёни вохӯрӣ густариши ҳамкории Тоҷикистон ва Беларус дар соҳаи омӯзиши геологии қаъри замин, аз ҷумла дар таҳияи асоснокунии иқтисодӣ-техникӣ оид ба коркарди конҳои канданиҳои фоиданок, ташкил ва гузаронидани корҳои аксбардорию топографӣ барои сохтани харитаҳои геологии насли нав, имконияти омӯзиш ва табодули таҷрибаи кормандон, истифодаи таҷҳизоти геологӣ-геофизикӣ ва ғайраҳо баррасӣ гардид.

Сардори Саридора дар бораи фаъолият, базаи моддию техникӣ, рақамикунонӣ, шароити корӣ, барномаҳои соҳавӣ, имконияти ба роҳ мондани ҳамкории муштарак ибрози ақида намуд.

Вазири захираҳои табиӣ ва ҳифзи муҳити зисти Ҷумҳурии Беларус Сергей Масляк аз дастовардҳои мақомоти геологияи тоҷик, пеш аз ҳама, рақамикунонии соҳа изҳори хушнудӣ карда, барои истифодаи таҷрибаи геологҳои тоҷик ва ба роҳ мондани ҳамкории муштарак изҳори ҳавасмандӣ намуд.

Ҷонибҳо ба мувофиқа расиданд, ки ояндаи наздик Ёддошти тафоҳум дар бораи ҳамкорӣ дар самти омӯзиши геологии қаъри замин ва рақамикунонӣ ба имзо расонанд.

АКС: Саридораи геологияи назди Ҳукумати Ҷумҳурии Тоҷикистон

Июнь 13, 2024 17:39

Хабарҳои дигари ин бахш

Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОАТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод