Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд
ДУШАНБЕ, 19.06.2024 /АМИТ «Ховар»/. Дар маъракаи имсолаи даъват ба хизмати ҳарбӣ бо дарки баланди хештаншиносӣ ва худогоҳӣ 274 нафар даъватшаванда, ки дар хориҷи мамлакат, аз ҷумла дар Федератсияи Русия, ИМА, Олмон, Руминия ва дигар давлатҳо қарор доштанд, бо гирифтани даъватнома ба Ватан баргашта, имрӯз бо хоҳиши худ дар сафи Қувваҳои Мусаллаҳи Ҷумҳурии Тоҷикистон адои хизмат намуда истодаанд. Ин иқдоми ватандӯстонаи ҷавонони вилоят дар чандин ҷаласаҳои сатҳи баланд аз ҷониби Президенти Ҷумҳурии Тоҷикистон муҳтарам Эмомалӣ Раҳмон баҳои баланд гирифта, ҳамчун намунаи олии садоқат ба Ватану миллат арзёбӣ гардид.
Ин матлаб зимни ҷаласа оид ба ҷамъбасти маъракаи даъвати баҳории ҷавонписарон ба сафи Қувваҳои Мусаллаҳи Ҷумҳурии Тоҷикистон дар Мақомоти иҷроияи ҳокимияти давлатии Вилояти Мухтори Кӯҳистони Бадахшон баён гардид.
Раиси вилоят Алишер Мирзонабот дар ҷаласа ба роҳбарияти мақомоти маҳаллии ҳокимияти давлатии шаҳру ноҳияҳои вилоят, сохторҳои ҳифзи ҳуқуқу қудратӣ, раёсату шуъбаҳо ва волидайну даъватшудагон барои идроки баланди масъулият, сарҷамъона, бо сифати баланд анҷом додани ин маъракаи муҳими сиёсӣ миннатдорӣ изхор намуд.
Дар ҷаласа як зумра намояндагони касбу кори гуногун, ки дар маъракаи даъвати баҳорӣ саҳми арзанда гузоштанд, бо «Ифтихорнома», «Сипоснома»-и Раиси вилоят ва Вазири мудофиаи Ҷумҳурии Тоҷикистон ва медал қадрдонӣ карда шуданд.
Сипас аҳли фарҳангу санъатаи вилоят барномаи рангини консертии ватандӯстонаро манзури ҳозирин гардонданд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
