Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
ДУШАНБЕ, 14.06.2024 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода таҳти унвони «Истифодаи оқилонаи захираҳои об дар шароити тағйирёбии иқлим» бо иштироки ҳайати олимону муҳаққиқон ва коршиносону мутахассисони мамлакат конфронси илмӣ — амалӣ баргузор гардид. Дар ин хусус ба АМИТ «Ховар» дар Донишгоҳи номбурда хабар доданд.
Иброз гардид, ки сиёсати давлатии Тоҷикистон бо ҷомеаи умумибашарӣ ҳаммаром буда, давлати мо нисбат ба проблемаҳои глобалӣ бетараф нест. Барномарезиҳои дурандешонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба ҳифзи табиат, бахусус дар ҷодаи об барои наслҳои имрӯзаву оянда ҳамчун роҳнамо баҳри истифодаи оқилонаю самараноки захираҳои табиӣ ва нотакрори Тоҷикистон аз ҷониби мақомоти давлатию ғайридавлатӣ дастгирии амалӣ меёбад.
Таъкид гардид, ки Ҷумҳурии Тоҷикистон дар ҷодаи ҳифзи пиряхҳо ва захираҳои обӣ зери роҳбарии Президенти Ҷумҳурии Тоҷикистон муҳтарам Эмомалӣ Раҳмон дар сиёсати умумиҷаҳонӣ мақоми меҳвариро соҳиб гардидааст. Аз ҷумла, Пешвои миллати мо бо як силсила ташаббусҳои муфид оид ба истифодаи оқилонаи об борҳо аз минбари Созмони Милали Муттаҳид баромад намудаанд.
Иттилоъ дода шуд, ки дар сиёсати байналмилалии об Ҷумҳурии Тоҷикистон яке аз мамлакатҳои фаъол маҳсуб мешавад. Тоҷикистон ташаббускори асосии Соли байналмилалии оби тоза (2003), Даҳсолаи байналмилалии амалиёти «Об барои ҳаёт» (2005-2015), Соли байналмилалии ҳамкорӣ дар соҳаи об (2013), ҳамчунин Даҳсолаи байналмилалии амал «Об барои рушди устувор» (2018-2028) мебошад.
Дар ҳамоиш оид ба мавзуъҳои «Энергияи барқароршаванда: масъалаҳо ва тамоюли рушд», «Оқибатҳои тағйирёбии иқлим дар замони муосир», «Рушди илм ва дурнамои он дар масъалаҳои баланд бардоштани сатҳи омӯзиши илмҳои табиӣ ва риёзӣ», «Масъалаҳои ҳифз, нигоҳдорӣ ва истифодаи оқилонаи захираҳои обӣ дар шароити тағйирёбии иқлим» ва «Ҳифзи табиат ва мушкилоти экологии он: мушкилот ва роҳҳои ҳалли муосир» маърузаҳо шунида шуданд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Дар Донишкадаи тарбияи ҷисмонии Тоҷикистон ба муносибати қабули ташаббуси навбатии Тоҷикистон гузашти идона доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
Фарҳод Раҳимӣ: «Эмомалӣ Раҳмон дар зеҳни миллӣ ва байналмилалӣ, пеш аз ҳама, ҳамчун Пешвои сулҳпарвар ва раҳнамои ваҳдат ҷойгоҳ пайдо намудаанд»
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Исломиддин Раҳмон: «Тоҷикистон ҳамчун аъзои фаъоли ҷомеаи ҷаҳонӣ барои ҳалли масъалаҳои глобалӣ саҳми арзишманд мегузорад»
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
Профессори Донишгоҳи байналмилалиии сайёҳӣ ва соҳибкории Тоҷикистон: «Сарвари давлати моро дар арсаи байналмилалӣ чун «Меъмори дипломатияи об» мешиносанд»
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
