Дар Душанбе тақвияти ҳамкории Тоҷикистон ва Амрико дар соҳаҳои афзалиятноки иқтисодӣ баррасӣ гардид

Июнь 25, 2024 11:44

ДУШАНБЕ, 25.06.2024 /АМИТ «Ховар»/. Дар шаҳри Душанбе мулоқоти ҳайати Тоҷикистон таҳти роҳбарии муовини якуми Сарвазири Ҷумҳурии Тоҷикистон Ҳоким Холиқзода бо директори иҷрояи Шурои соҳибкорони Иёлоти Муттаҳидаи Амрико ва роҳбарони ширкатҳои амрикоӣ, аз ҷумла «Medtronic», «Thomas Greg & Sons Limited», «GE Vernova», «Visa», «White & Case LLP», «Unitex», «FLS» баргузор гардид. Дар ин хусус АМИТ «Ховар» бо истинод ба Кумитаи давлатии сармоягузорӣ ва идораи амволи давлатии Ҷумҳурии Тоҷикистон хабар медиҳад.

Дар мулоқот муовини аввали Сарвазири мамлакат доир ба ислоҳоти амалинамудаи Ҳукумати Тоҷикистон дар соҳаҳои иқтисоди миллӣ, бахусус дар самти беҳтар намудани фазои сармоягузорӣ, дастгирии бахши молиявӣ ва хусусӣ сухан намуд.

Баъд аз муаррифии фазои сармоягузорӣ дар Тоҷикистон, аз ҷониби ширкатҳои амрикоӣ доир ба фаъолияти кунунии онҳо, аз ҷумла дар Тоҷикистон ва роҳҳои тақвияти ҳамкорӣ бо вазорату идораҳо ва бахши хусусии Тоҷикистон маълумот дода шуд.

Дар доираи вохӯрӣ мулоқоти алоҳидаи роҳбарони ширкатҳои амрикоӣ бо вазирони саноат ва технологияҳои нав, адлия, кишоварзӣ, энергетика ва захираҳои об, муовинони якуми вазирони молия ва тандурустӣ ва ҳифзи иҷтимоии аҳолӣ, раиси Кумитаи давлатии сармоягузорӣ ва идораи амволи давлатӣ, директори Агентии инноватсия ва технологияҳои рақамӣ, раиси Бонки миллӣ, муовини сардори Саридораи геология ва муовини Раиси шаҳри Душанбе баргузор гардид.

Тибқи тавофуқҳои ҳосилшуда, дар доираи сафари ҳайат баимзорасонии як қатор санадҳои ҳамкорӣ дар соҳаҳои саноат, молия, рақамикунонӣ дар назар дошта шудааст.

АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон

Июнь 25, 2024 11:44

Хабарҳои дигари ин бахш

Корхонаи воҳиди давлатии «Тоҷикаэронавигатсия» аъзои SOCEA гардид
Дар Душанбе тақвияти ҳамкорӣ дар соҳаи рақамисозӣ ва рушди логистика байни Тоҷикистон ва Амрико баррасӣ гардид
Тоҷикистон аз давлати аграрӣ ба мамлакати индустриалӣ — аграрӣ табдил дода мешавад. Эҳдо ба Рӯзи кормандони соҳаи металлургӣ
«Ҷавоҳироти заргарии Зарафшон» маҳсулоти заргарии мутобиқ ба талаботи бозорҳои байналмилалӣ истеҳсол менамояд
Дар Бонки миллии Тоҷикистон масъалаи муқовимат ба қонунигардонии даромадҳои бо роҳи ҷиноят бадастоварда баррасӣ гардид
Аз ҷониби Фонди иқлими сабз маблағгузории лоиҳаи CASP+ дар Тоҷикистон дастгирӣ ёфт
Тоҷикистону Бангладеш гардиши савдоро байни ҳам бамаротиб зиёд мекунанд
Дар Душанбе ҷаласаи навбатии Комиссияи муштараки байниҳукуматии Тоҷикистон ва Қазоқистон оид ба ҳамкории иқтисодӣ баргузор шуд
МАСЛИҲАТИ МУТАХАССИС. Пиёзро чӣ тавр барои зимистон захира намоем?
Роҳбарияти шаҳри Ҳисор бо вазъи корҳои саҳро дар хоҷагиҳои кишоваразии Ҷамоати деҳоти Навобод шинос гардид
IRS: Нуқтаҳои вазнченкунӣ вайроншавии роҳро пешгирӣ мекунанд
Дар Панҷакент Форуми минтақавии саводнокии молиявӣ баргузор шуд