Дар Душанбе вобаста ба ҳамкории Тоҷикистон бо Аврупо конференсияи ҷумҳуриявӣ доир гардид
ДУШАНБЕ, 26.06.2024 /АМИТ «Ховар»/. 24 июн дар шаҳри Душанбе бо ташаббуси Институти омӯзиши масъалаҳои давлатҳои Осиё ва Аврупои Академияи миллии илмҳои Тоҷикистон бахшида ба эълон гардидани соли 2024 Соли маърифати ҳуқуқӣ ва Рӯзи Ваҳдати миллӣ таҳти унвони «Ҳамкории Ҷумҳурии Тоҷикистон бо минтақаи Аврупо: ҳолат ва дурнамои рушд» конференсияи илмӣ-амалии ҷумҳуриявӣ баргузор гардид.
Тавре ба АМИТ «Ховар» дар Институти омӯзиши масъалаҳои давлатҳои Осиё ва Аврупо хабар доданд, дар кори конференсия олимон, коршиносон ва муҳаққиқони самти таҳқиқоти Аврупо масъалаҳои вобаста ба ҳамкории Тоҷикистон бо Иттиҳоди Аврупо ва мамлакатҳои мутараққии ин минтақа, аз ҷумла динамикаи рушди ҳамкории дуҷонибаи Ҷумҳурии Тоҷикистон ва Ҷумҳурии Италия, тағйироти манзараи геополитикии системаи муосири муносибатҳои байналхалкӣ, ҳамкории Тоҷикистон бо Олмон дар марҳалаи муосир, марҳилаҳои асосии ташаккул ва инкишофи муносибатҳои Тоҷикистон ва Иттиҳоди Аврупо, ҷанбаҳои сиёсӣ ва ҳуқуқии ҳамкории Иттиҳоди Аврупо ва Ҷумҳурии Тоҷикистон, таҳаввули ҳамкории Ҷумҳурии Тоҷикистон бо Иттиҳоди Аврупо дар шароити нави муносибатҳои байналмилалӣ, Стратегияи нави Иттиҳоди Аврупо ва дурнамои ҳамкории Тоҷикистон ва Аврупо, нақши расонаҳои аврупоӣ дар ташаккули шинохти байналмилалии Тоҷикистон, умумият, хусусиятҳо ва тафовути ташаббусҳои Иттиҳоди Аврупо ва Ҷумҳурии Мардумии Чин: «Дарвозаи ҷаҳонӣ» ва «Камарбанд ва роҳ»: имконот ва паёмадҳо барои Тоҷикистон ва ғайраро мавриди баррасӣ ва таҳлил қарор доданд.
Таҳқиқу таҳлили ҳамкории Ҷумҳурии Тоҷикистон бо мамлакатҳои макроминтақаи Аврупо дар замони муосир яке аз масъалаҳои мубрами муносибатҳои байналмилалӣ маҳсуб меёбад. Зеро чунин ҳамкорӣ дар рушди соҳаҳои иқтисодӣ, иҷтимоӣ ва фарҳангӣ аҳамияти мутақобилан судмандро доро буда, яке аз муҳиммияти баргузории конфронси мазкур низ маҳз дар ҳамин матлаб зоҳир мегардад.
Иброз гардид, ки дар замони муосир ва дар қаринаи шаклгирии низоми нави муносибатҳои байналмилалӣ таҳкиму тақвияти ҳамкории бисёрсамта бо мамлакатҳои пешрафтаи узви Иттиҳоди Аврупо яке аз авлавиятҳои сиёсати хориҷии Ҷумҳурии Тоҷикистон ба шумор рафта, қолабҳои гуногуни ҳамкорӣ дар сатҳҳои дуҷониба ва бисёрҷониба байни ҷонибҳоро дар тамоюли рушд қарор доранд.
АКС: Институти омӯзиши масъалаҳои давлатҳои Осиё ва Аврупо
Дар Донишгоҳи давлатии молия ва иқтисоди Тоҷикистон Фестивали «Сайри гули лола» доир карда шуд
Дар шаҳри Хоруғ Лигаи волейболи вилоят байни мардон то охири сол баргузор мегардад
Имрӯз дар баъзе минтақаҳои Тоҷикистон ҳаво то 28 дараҷа гарм мешавад
Дар Маркази такмили ихтисоси кормандони соҳаи тарбияи ҷисмонӣ ва варзиш машғулияти омӯзишӣ оғоз гардид
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон ҳавои тағйирёбандаи бебориш пешгӯӣ мешавад
ҚУРБИ АСЪОР: дар Тоҷикистон 1 доллари ИМА аз 10.8763 то 10.9200 сомонӣ муқаррар шудааст
Вобаста ба Даҳаи муаррифии илми академии тоҷик конференсияи илмию назариявӣ баргузор шуд
Ҷавонони далери ноҳияҳои Айнӣ, Шаҳристон, Бобоҷон Ғафуров ва шаҳри Истаравшан ба хизмати Ватан гусел карда шуданд
Имрӯз дар шаҳри Душанбе ҳаво то 24 дараҷа гарм мешавад
«МегаФон Тоҷикистон» ва Лигаи футболи кӯдакону наврасон шартнома оид ба ҳамкорӣ бастанд
Дар Мянма тахмин мезананд, ки шумораи ҳалокшудагони заминларза аз 3 ҳазор нафар бештар мешавад
