Дар Хуҷанд мусобиқаи шаҳрии футбол барои Ҷоми Ҳизби Халқии Демократии Тоҷикистон ҷамъбаст гардид
ДУШАНБЕ, 02.06.2024 /АМИТ «Ховар»/. Ба муносибати 30-юмин солгарди таъсиси Ҳизби Халқии Демократии Тоҷикистон бо ташаббуси Кумитаи иҷроияи марказии Ҳизби Халқии Демократии Тоҷикистон дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Федератсияи футболи Тоҷикистон ва Ташкилоти ҷамъиятии ҷавонон «Созандагони Ватан» мусобиқаи футболи хурд барои дарёфти Ҷоми Ҳизби Халқии Демократии Тоҷикистон байни дастаҳои ғайрикасбии вилоятҳо ва шаҳру ноҳияҳои мамлакат идома дорад.
Бо мақсади иҷрои дастури Кумитаи иҷроияи марказии Ҳизби Халқии Демократии Тоҷикистон дар шаҳри Хуҷанд низ даври шаҳрии мусобиқаи футболи хурд байни дастаҳои ғайрикасбии маҳаллаҳо гузаронида шуда, ғолиби ҷойи аввали мусобиқа- дастаи «Шапарак» барои иштирок ба даври вилоятӣ роҳхат гирифт.
Дар ҷамъбасти даври шаҳрии мусобиқаи футболи хурд байни дастаҳои ғайрикасбии кумитаи маҳаллаҳои шаҳри Хуҷанд раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд, мудири шуъбаи ҷавонони кумитаи иҷроияи Ҳизби Халқии Демократии Тоҷикистон дар вилояти Суғд, мудири бахши кор бо ҷавонон ва варзиши шаҳри Хуҷанд ва аъзои фаъоли Ташкилоти ҷамъиятии ҷавонон «Созандагони Ватан» иштирок намуданд.
Дар ҳамоиши ҷоизасупорӣ гуфта шуд, ки таваҷҷуҳи Раиси Ҳизби Халқии Демократии Тоҷикистон, Пешвои миллат муҳтарам Эмомалӣ Раҳмон ба варзиш ва рушди намудҳои гуногуни он хосса аст. Дастовардҳои варзишгарони тоҷик дар мусобиқаҳои сатҳи байналмиллалӣ бозгӯи он аст, ки аз ҷониби Давлату Ҳукумати мамлакат ба пешрафти соҳа эътибори хоса зоҳир мегардад.
Ба ғолиби мусобиқаи футболи хурд байни дастаҳои ғайрикасбии маҳаллаҳои шаҳри Хуҷанд Ҷом ва ба дигар иштирокчиёни мусобиқа туҳфаҳои хотиравӣ супорида шуданд.
АКС: АМИТ «Ховар»
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
