Дар Остона ҷаласаи Шурои Иттиҳоди байнибонкии Созмони ҳамкории Шанхай баргузор гардид
ДУШАНБЕ, 26.06.2024 /АМИТ «Ховар»/. Дар ҷаласаи Шурои Иттиҳоди байнибонкии Созмони ҳамкории Шанхай, ки дар Остона бо иштироки роҳбарони бонкҳои аъзои Иттиҳод, доир гардид, Ёддошти тафоҳум оид ба маблағгузории Идоракунии экологӣ, иҷтимоӣ ва корпоративӣ (ESG) байни бонкҳои аъзо ба имзо расонида шуд. Дар ин хусус ба АМИТ «Ховар» дар Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» хабар доданд.
Дар ҷаласаи Шурои Иттиҳоди байнибонкӣ, ки таҳти раёсати Ҷамъияти саҳомии кушодаи «Бонки рушди Қазоқистон» ҳамчун бонки раисикунанда баргузор гардид, раиси Раёсати Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» Алиҷон Салимзода иштирок намуд.
Дар ҷаласа ташаббусҳои бонкҳои аъзо ҷиҳати вусъат ва густариши ҳамкорӣ дар доираи Иттиҳоди байнибонкии Созмони ҳамкории Шанхай, табодули таҷриба ва бозомӯзиши мутахассисони бонкҳои аъзои Иттиҳоди байнибонкӣ, таҳия ва татбиқи шаклҳои нави ҳамгироӣ бо мақсади баланд бардоштани раванди маблағгузории муштараки лоиҳаҳо муҳокима гардиданд.
Илова бар ин, дар интиҳои чорабинӣ аз ҷониби роҳбарони бонкҳои аъзои Иттиҳоди байнибонкии Созмони ҳамкории Шанхай протоколи ҷаласа ба имзо расонида шуда, мулоқоти дуҷонибаи роҳбарони бонкҳо баргузор гардид.
АКС: Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк»
Дар Тоҷикистон маҷмуи маҳсулоти дохилии мамлакат қариб 100 баробар афзоиш ёфт
Дар Тоҷикистон беш аз 66 технологияи инноватсионии парвариши зироати кишоварзӣ тарҳрезӣ ва татбиқ гардид
Ҳавопаймои дуюми Boeing 737-8 MAX-и «Сомон Эйр» ба Тоҷикистон ворид карда шуд
Дар давраи соҳибистиқлолии Тоҷикистон музди миёнаи меҳнат 178 баробар зиёд гардид
ЗЕҲНИ СУНЪӢ ВА ТАҲДИДҲОИ НАВИ КИБЕРӢ. Ин низом аз таҳдидҳо чӣ гуна муҳофизат карда мешавад?
Кишоварзони шаҳри Турсунзода дар 5539 гектар шолӣ кишт намуданд
ЗЕҲНИ СУНЪӢ: ТАЪРИХ, ИМКОНИЯТ ВА МАСЪУЛИЯТ. Андешаҳо оид ба ин мавзуъ
Таъсиси Маркази миллии маълумоти зондкунии фосилавии Замин дар шаҳри Душанбе баррасӣ шуд
Тавсеаи ҳамкории Тоҷикистон бо ЮНИСЕФ дар соҳаи ҳифзи муҳити зист баррасӣ гардид
Дар Душанбе Форуми байналмилалии нассоҷии Тоҷикистон – 2026 доир мегардад
РАШТ ДАР ДАВРОНИ СОҲИБИСТИҚЛОЛӢ. Мулоҳизаҳо оид ба нақши сиёсати давлатӣ дар рушди иқтисодию иҷтимоии ин ноҳия
Дар Тоҷикистон шумораи субъектҳои хоҷагидори амалкунанда беш аз 100 ҳазор зиёд гардидааст
