Дар шаҳри Норак бо падару модарони хонандагони муассисаҳои таълимӣ мулоқоти судманд доир шуд
НОРАК, 02.06.2024. /АМИТ «Ховар»/. Тибқи нақшаи чорабиниҳои муштараки Мақомоти иҷроияи ҳокимияти давлатии шаҳри Норак ва Кумитаи иҷроияи Ҳизби Халқии Демократии Тоҷикистон дар шаҳри Норак бо иштироки роҳбарият, масъулони шуъбаи маориф ва падару модарон вохӯрӣ гузаронида шуд, хабар медиҳад АМИТ «Ховар» бо истинод ба мақомоти ин шаҳр.
Дар вохӯрӣ иброз гардид, ки вазифаи падару модар муҳайё намудани шароити мусоид барои инкишофи муътадили ҷисмонӣ ва руҳии фарзанд, таъмини шароити арзандаи зиндагӣ ва пеш аз ҳама, масъулият барои пешгирӣ ва роҳ надодан ба тамоми амалҳои ношоистае, ки фарзандонашон метавонанд аз беаҳмиятии онҳо содир намоянд, мебошад. Маҳз дар натиҷаи ба воя расонидани фарзандони солимақл ва бедордил зиндагии мо хуш мегузарад. Барои ба ин ҳадафҳо ноил шудан падару модарон бояд назоратро аз болои фаъолияту кирдорҳои фарзандон ҷиддӣ ба роҳ монанд. Чунки аз таълиму тарбия дур мондани кӯдак метавонад оқибатҳои ногувор ба бор орад ва ҳатто онҳо метавонанд ояндаи худро зери хатар гузоранд.
Иброз гардид, ки имрӯз Раиси муаззами Ҳизби Халқии Демократии Тоҷикистон, Пешвои миллат муҳтарам Эмомалӣ Раҳмон иқдоми наҷибу ғамхориҳои зиëде баҳри ҷавонон пеш гирифтаанд. Ҳар ҷавони ватандӯстро мебояд баҳри пешрафт,шукуфоӣ ва ҳифзи истиқлолияти давлатӣ хизмати содиқона намояд.
Таъкид гардид, ки ояндаи ҷомеа дар дасти насли наврас аст, аз ҳамин хотир дар таълим ва тарбияи онҳо дар баробари падару модар инчунин ҷомеа ва дигар қишрҳои он вазифадор ҳастанд.
Тарбияи аввалин аз оила сарчашма мегирад ва оила аввалин мактаби рӯзгор аст. Хулқу атвор ва ояндаи фарзанд аз эҳсоси баланди масъулияти падару модар вобастагии калон дорад. Ҳар муносибатеро, ки кӯдак дар оила мушоҳида намуд, метавонад дар оянда онро такрор намояд, агар бо маърифат рӯ ба рӯ гашт, муносибати боақлона менамояд, агар бо ҷаҳолат дучор шуд, ҷоҳил мегардад.
Ҳамзамон масъулин доир ба омодагиҳо бахшида ба 35-солагии Истиқлолияти давлатии Ҷумҳурии Тоҷикистон, пешгирии ҷинояту ҷинояткорӣ байни наврасону ҷавонон ва дигар омилҳои номатлуб ибрози андеша намуданд.
АКС: Мақомоти иҷроияи ҳокимияти давлатии шаҳри Норак
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
