Дар Суғд нахустин фестивали «СУҒД-КЛИМАТ-FEST» баргузор гардид
ДУШАНБЕ, 02.06.2024 /АМИТ «Ховар»/. 31 май дар Донишкадаи кӯҳию металлургии Тоҷикистон вобаста ба раванд ва мушкилоти мутобиқшавӣ ба тағйирёбии иқлим дар соҳаҳои гуногун нахустин фестивали «СУҒД–КЛИМАТ–FEST» баргузор гардид, хабар медиҳад АМИТ «Ховар» бо истинод ба Донишкадаи кӯҳию металлургии Тоҷикистон.
Ҳадафи баргузории фестивал баланд бардоштани сатҳи фаҳмиш ва огоҳии аҳолӣ дар сатҳи минтақа ва дигар масъулон оид ба хатарҳои тағйирёбии иқлим, роҳҳо ва раванди мутобиқшавӣ ба тағйиёбии иқлим мебошад.
Дар оғози фестивал намоиши ихтироот ва молу маҳсулоти гуногун вобаста ба сарфаи энергия ва об, соҳаи кишоварзӣ ва дигар мавзуъҳои алоқаманд баргузор гардид. Сипас, конференсияи илмӣ-амалӣ бо ҳузури олимон, мутахассисон ва коршиносони соҳа баргузор карда шуд.
Ба иштирокдорони фестивал намояндагони Агентии обуҳавошиносӣ дар вилояти Суғд оид ба фаъолияти агентӣ ва корҳои таҳқиқотии вобаста ба тағйирёбии иқлим, шарҳи хатарҳои иқлимӣ, таъсири онҳо дар сатҳи экосистемаҳои минтақа маълумоти ҷолибу муфид пешниҳод карданд. Ҳамчунин оид ба масъалаҳои баланд бардоштани сатҳи огоҳӣ ва таҳкими иқтидори аҳолӣ нисбат ба тадбирҳои ҳамгироии мутобиқшавӣ маълумоти зарурӣ дода шуд.
Дар фестивал натиҷаи озмуни лоиҳаҳои амалӣ оид ба мутобиқшавӣ ба тағйири иқлим ва идоракунии оқилонаи муҳити зист ҷамъбаст гардид. Ҳайати ҳакамон аз 22 лоиҳаи ба озмун пешниҳодгардида 4 лоиҳаи беҳтарини олимону мутахассисони ҷавонро ғолиб донистанд.
Иштирокдорон ва меҳмонон ба сатҳи баргузории фестивал баҳои баланд дода, онро лоиҳаи муваффақу муфид донистанд. Изҳори умедворӣ карда шуд, ки фестивал ба таври анъанавӣ ҳар сол баргузор карда мешавад.
Фестивал аз ҷониби Барномаи Рушди Созмони Милали Муттаҳид бо дастгирии молиявии Иттиҳоди Аврупо, мусоидати мақомоти иҷроияи ҳокимияти давлатии вилояти Суғд, Сарраёсати ҳифзи муҳити зисти вилояти Суғд, Донишкадаи кӯҳию металлургии Тоҷикистон, ташкилоти чамъиятии «Гурӯҳи ҷавонон оид ба ҳифзи мухити зист» ва дигар сохторҳои тиҷоратии вилоят баргузор карда шуд.
АКС: Донишкадаи кӯҳию металлургии Тоҷикистон
Бахшида ба Рӯзи Ваҳдати миллӣ дар деҳаи Шитами ноҳияи Шуғнон чорабинии бошукӯҳи идона баргузор шуд
Дар Роғун ба насли ҷавон аҳамияти Рӯзи Ваҳдати миллӣ фаҳмонида шуд
ОМИЛИ РУШДИ ДАВЛАТ ДАР ВАҲДАТ АСТ. Дар Вазорати нақлиёт ҳамоиши идона баргузор шуд
Рӯзи Ваҳдати миллӣ дар ноҳияи Шоҳмансури пойтахт ҷашн гирифта шуд
Дар Палатаи ҳисоб ба ифтихори Рӯзи Ваҳдати миллӣ ҳамоиши идона баргузор гардид
Дар Хоруғ бахшида ба ҷашни Ваҳдати миллӣ майдончаи муосири варзишӣ ба истифода дода шуд
ВАҲДАТ — ЗАМИНАИ ПЕШРАФТ ВА ШУКУФОИИ МИЛЛАТ. Дар Кумита оид ба таҳсилоти ибтидоӣ ва миёнаи касбӣ ҳамоиш доир гардид
СОЛИ МАЪРИФАТИ ҲУҚУҚӢ. Дар ноҳияи Балҷувон ҷаласаи сайёри Шурои ҷамъиятии Ҷумҳурии Тоҷикистон баргузор гардид
Дар баъзе минтақаҳои Тоҷикистон ҳавои номусоид ва чангу ғубор дар назар аст
Дар мақомоти Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш доир шуд
Ҷаласаи ҳисоботӣ-интихоботии Ташкилоти ибтидоии ҳизбии «Авиатсияи миллӣ» баргузор шуд
«НАВОИ ВАҲДАТ». Таҳти ин унвон дар Боғи фарҳангӣ — фароғатии «Кӯли ҷавонон» барномаи идонаи ноҳияи Сино баргузор шуд
