Дастаи вилояти Хатлон дар Мусобиқаи варзишӣ оид ба волейбол байни мардон сазовори ҷойи аввал гардид

ДУШАНБЕ, 26.06.2024 /АМИТ «Ховар»/. 25 июн дар шаҳри Душанбе  бахшида ба Рӯзи Ваҳдати миллӣ Мусобиқаи варзишӣ оид ба волейбол байни мардон ҷамъбаст гардида, ҷой якумро дастаи вилояти Хатлон — 2 (Кӯлоб), ҷойи дуюмро волейболбозони Вилояти Мухтори Кӯҳистони Бадахшон ва ҷойи сеюмро дастаи шаҳру ноҳияҳои тобеи ҷумҳурӣ (Турсунзода)  сазовор гардиданд.

Тавре дар Маркази таҳлил ва иттилооти дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон иттилоъ доданд, аз 19 то 24 июн мусобиқаи варзишӣ оид ба волейбол (байни мардон) байни деҳаҳо ва маҳаллаҳои аҳолинишини ҷамоатҳои шаҳрак ва деҳоти шаҳру ноҳияҳои ҷумҳурӣ доир шуда, дастаҳои ғолиб аз ҷониби Кумитаи кор бо ҷавонон ва варзиши бо ҷом, медал, диплом ва туҳфаҳои пулӣ қадрдонӣ гардиданд.

Гуфта шуд, ки ин мусобиқаи варзишӣ бо мақсади тарғиби васеи тарбияи ҷисмонӣ ва варзиш дар деҳоти мамлкаат ва ҷалби ҷавонон ва калонсолони деҳот ба волейбол, мустаҳкам намудани алоқаи дӯстӣ байни ҷавонону калонсолони деҳот ва дарëфти чеҳраҳои нави варзишӣ аз деҳот равона гардидааст.

АКС: Маркази таҳлил ва иттилооти дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон