Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Ҳиндустон Нарендра Модӣ барқияи табрикӣ ирсол намуданд
ДУШАНБЕ, 10.06.2024 /АМИТ «Ховар»/. Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Сарвазири Ҷумҳурии Ҳиндустон муҳтарам Нарендра Модӣ барқияи табрикӣ ирсол намуданд, ки дар он омадааст:
«Ҷаноби Олӣ,
Бо камоли сарфарозӣ Шуморо ба муносибати интихоботи муваффақи сартосарии парлумонӣ дар кишвар ва аз нав интихоб гаридиданатон ба маснади олии Сарвазири Ҷумҳурии Ҳиндустон сидқан табрику таҳният мегӯям.
Натиҷаҳои ин чорабинии муҳимми сиёсӣ боз як нишонаи равшани ба таври васеъ дастгирӣ ёфтани сиёсати давлатии Шумо аз ҷониби ҷомеаи Ҳиндустон мебошад, ки асосан ба татбиқи пайвастаи ҳадафҳои наҷибонаи расидани кишваратон ба мақоми пешоҳангӣ дар самти рушди устувори иқтисодиву иҷтимоӣ нигаронда шудааст.
Он ҳам боиси таҳсин аст, ки Ҷумҳурии Ҳиндустон таҳти роҳбарии Шумо мақому манзалати худро дар арсаи байналмилалӣ пайгирона таҳким бахшида, имрӯзҳо дар ҳалли масъалаҳои умдаи глобалӣ нақши бориз дорад.
Итминон дорам, ки мо дар оянда низ бо талошҳои муштарак робитаҳои дӯстӣ ва ҳамкории гуногунарсаи Тоҷикистону Ҳиндустонро дар асоси усулҳои ҳусни тафоҳум, эътимод ва эҳтироми ҳамдигарӣ густариш дода, мутобиқ ба манфиатҳои аслии мардумонамон бо мазмуну муҳтавои нави амалӣ боз ҳам ғанӣ хоҳем гардонид.
Ба манзури пешбурди шарикии кишварҳоямон дар ҳамаи соҳаҳои мавриди таваҷҷуҳи тарафайн омодагии инҷонибро ҷиҳати идомаи муколамаи созандаи байнидавлатии ҷонибҳо дар ҳамаи сатҳҳо иброз менамоям.
Ба Шумо, Ҷаноби Олӣ, саломатии бардавому саодатмандӣ ва комёбиҳои навин, ба мардуми дӯсти Ҳиндустон сулҳу суботи пойдор ва рифоҳу шукуфоии рӯзафзун орзумандам».
Маҷлиси Ҳукумати Ҷумҳурии Тоҷикистон баргузор шуд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Сотсиалистии Ветнам Лионг Кионг барқияи изҳори тасаллӣ ирсол намуданд
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи парчами давлатӣ
Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Мардумии Чин Ван Иро ба ҳузур пазируфтанд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
