Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
ДУШАНБЕ, 08.07.2024 /АМИТ «Ховар»/. Байни Агентии миллии иттилоотии Тоҷикистон «Ховар» ва Медиакорпоратсияи Чин CMG Ёддошти тафоҳуми ҳамкорӣ ба имзо расид. 5 июли соли равон пас аз мулоқоту музокироти сатҳи олии Тоҷикистону Чин, ки дар шаҳри Душанбе бо иштироки сарони ҳар ду давлат – муҳтарам Эмомалӣ Раҳмон ва муҳтарам Си Ҷинпин доир гардид, ин санад аз ҷониби роҳбарони ниҳодҳо табодул карда шуд.
Директори Агентии миллии иттилоотии Тоҷикистон «Ховар» Субҳидддин Шамсиддинзода иброз намуд, ки «Агентӣ солҳои охир ҷиҳати барқарор намудани робитаҳои иттилоотии мутақобилан судманд бо воситаҳои ахбори оммаи давлатҳо ва минтақаҳои масири ташаббуси «Як камарбанд — як роҳ» тадбирҳои муҳим меандешад. Дар ин самт мо ба таҳкими муносибатҳо бо ҷониби Чин таваҷҷуҳи хосса зоҳир намуда, аз ҳамкории густурда бо Медиакорпоратсияи Чин умеди калон дорем».
«Мо ин иқдомро ҳамчун қадами боварибахши ҳамкорӣ дар самти иттилоотонии шаҳрвандони ду давлати ҳамсояву дӯст — Тоҷикистон ва Чин арзёбӣ менамоем, ки ин барои халқҳои давлатҳоямон имконияти нав барои шиносоии бештари ҳамдигар мебошад», -афзуд Субҳидддин Шамсиддинзода.
Директори АМИТ «Ховар» тазаккур дод, ки «акнун мо дар баробари агентиҳои иттилоотӣ, бо Медиакорпоратсияи Чин «CMG» робитаҳои дуҷониба барқарор мекунем. Ин ҳамкорӣ дар фаъолияти мо самти нав буда, бешубҳа имконияти моро васеъ мекунад ва хонандагони моро боз ҳам бештар менамояд. Мо боварӣ дорем, ки дар баробари маводи иттилоотию таҳлилӣ, имкони табодули маводи видеоиро низ пайдо хоҳем кард».
Ёдовар мешавем, ки Ёддошти тафоҳум оид ба ҳамкорӣ байни Кумитаи телевизион ва радио, Муассисаи давлатии «Телевизиони Сафина» ва Муассисаи давлатии телевизиони «Ҷаҳоннамо» бо Медиакорпоратсияи Чин CMG низ ба имзо расиданд.
Маврид ба ёдоварист, ки 5 июли соли равон дар шаҳри Душанбе таҳти унвони «Роҳи нави дӯстии наслҳо» ҳамоиши табодули гуманитарии Тоҷикистону Чин доир шуд, ки дар он доир ба муносибатҳои фарҳангии ду давлат, ҳамкории воситаҳои ахбори оммаи Ҷумҳурии Тоҷикистон ва Ҷумҳурии Мардуми Чин мубодилаи афкор доир гардид.
Дар вохӯрӣ ҷонибҳо масъалаи тақвияти ҳамкории минбаъда, табодули таҷриба байни воситаҳои ахбори оммаи тоҷику чинро баррасӣ намуданд.
Ҳамчунин ба иштирокдорони ҳамоиш видиоролик аз лоиҳаи муштараки АМИТ «Ховар» ва Медиакорпоратсияи «CMG»-и Чин оид ба фасли сеюми барномаи «Афоризмҳои дӯстдоштаи Си Ҷинпин бо забони тоҷикӣ» пешниҳод гардид.
АКС: АМИТ «Ховар»
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
