Дар Душанбе ҷаласаи муштараки Платформаи миллии коҳиши хатари офатҳои табиӣ баргузор шуд
ДУШАНБЕ, 17.07.2024. /АМИТ «Ховар»/. 16 июл дар шаҳри Душанбе ҷаласаи муштараки Платформаи миллии коҳиши хатари офатҳои табиӣ ва Гурӯҳи арзёбии сареъ ва ҳамоҳангсозии ҳолатҳои фавқулода (РЕАКТ) баргузор гардид, хабар медиҳад АМИТ «Ховар».
Ҷаласа бо ибтикори Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Дафтаи Ҳамоҳангсози доимии Созмони Милали Муттаҳид дар Тоҷикистон баргузор шуд. Дар ҷаласа зиёда аз 70 нафар роҳбарону намояндаҳои вазорату идораҳо, созмонҳои байналмилалии муқими Тоҷикистон, ки нозирони Платформаи миллӣ мебошанд, ҳамчунин 15 нафар намояндаи созмонҳои байналмилалӣ тариқи видеоконфронс иштирок намуданд.
Дар ҷаласа масъалаҳо доир ба рафти татбиқи ташаббуси «Огоҳии бармаҳал барои ҳама» дар Тоҷикистон, «Барномаи миёнамуҳлати давлатии ҳифзи аҳолӣ ва ҳудуд аз ҳолатҳои фавқулода барои солҳои 2023-2028» ва нақшаи чорабиниҳои он барои солҳои 2023-2025, ҳисобот оид ба рафти иҷрои барномаҳои иқтисодию иҷтимоии шаҳру ноҳияҳо дар самти коҳиши хатари офатҳои табиӣ, иҷрои барномаи иқтисодию иҷтимоии шаҳри Кӯлоб дар самти коҳиши хатари офатҳои табиӣ, дар бораи чорабиниҳои Ҷамъияти Ҳилоли Аҳмари Тоҷикистон дар самти коҳиши хатари офатҳо ва вокуниш ба ҳолатҳои фавқулода дар мамлакат баррасӣ шуданд.
Байни аъзо ва иштирокчиёни ҷаласаи Платформаи миллӣ оид ба истифодаи самараноки маблағҳои аз ҷониби Ҷумҳурии Тоҷикистон ҷудогардида ҷиҳати коҳиш додани хатари офатҳои табиӣ, инчунин оид ба меъёрҳои меъёрии ҳуқуқӣ табодули афкор шуд.
Ёдовар мешавем, ки Платформаи миллии коҳиши хатари офатҳои табиӣ бо Қарори Ҳукумати Ҷумҳурии Тоҷикистон аз 1 марти соли 2012 қабул шуда, соли 2024 ба низомномаи он оид ба васеъ намудани ҳайат ва ваколатҳои он тағйирот ворид карда шуд.
АКС: Кумитаи ҳолатҳо фавқулода ва мудофиаи граждании Ҷумҳурии Тоҷикистон
Имсол кирмакпарварони ноҳияи Хуросон беш аз 10 ҳазор килограмм пилла месупоранд
Дар Тоҷикистон Мусобиқаи ҷумҳуриявии «МегаФон Life бо сабки футбол» оғоз ёфт
Имрӯз дар баъзе ноҳияҳои Тоҷикистон борони кӯтоҳмуддат меборад
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
