Дар Душанбе истеҳсоли маҳсулоти саноатӣ ба 2,4 миллиард сомонӣ баробар гардид
ДУШАНБЕ, 26.07.2024. /АМИТ «Ховар»/. Дар шаш моҳи якуми соли равон дар шаҳри Душанбе аз ҷониби 783 корхонаи саноатӣ ҳаҷми истеҳсоли маҳсулоти саноатӣ ба 2,4 миллиард сомонӣ баробар гардид, ки нисбат ба ҳамин давраи ҳисоботӣ 500 миллион сомонӣ зиёд буда, суръати афзоиш 123,1 фоизро ташкил намуд. Дар ин хусус имрӯз зимни нишасти матбуотӣ муовини якуми Раиси шаҳри Душанбе Ҷамшед Табарзода иттилоъ дод.
Иттилоъ дода шуд, ки содироти маҳсулоти корхонаҳои саноатии шаҳри Душанбе дар ин давра ба 3 миллион доллар баробар гардида, нисбат ба ҳамин давраи соли сипаригардида 992 ҳазор доллар бештар мебошад.
Ба гуфти муовини якуми Раиси шаҳри Душанбе, истифодаи самараноки иқтидорҳои нав, роҳандозии истеҳсоли маҳсулоти рақобатпазир, воридот-ивазкунанда ва ба содиротнигаронидашуда ҷиҳати афзоиш ёфтани соҳаи саноати шаҳр дар нимсолаи аввали соли 2024 заминаи мусоид фароҳам овард.
Изҳор гардид, ки баҳри тамини аҳолии пойтахт бо маҳсулоти тару тозаи хушсифат 26,1 гектар гармххонаҳо фаъолият менамоянд, ки аз ин 13,9 гектараш доимоамалкунанда ва 12,1 гектари дигар мавсимӣ мебошанд.
Иттилоъ дода шуд, ки гардиши савдои хориҷӣ дар давраи ҳисоботӣ 584 миллион долларо ташкил дод, ки нисбат ба соли гузашта 32,1 фоиз зиёд мебошад.
Ҳамзамон дар нишаст таъкид гардид, ки дар моҳи июни соли равон сатҳи таваррум дар сатҳи 1,9 фоиз нигоҳ дошта шуда, содирот 6,7 миллион доллар ва воридот бошад 577,3 миллион долларо ташкил дод.
Шаҳлои САДРИДДИН,
АМИТ «Ховар»
АКС: АМИТ «Ховар»
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
«БАРОИ ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон доир гардид
«САЙРИ ГУЛИ ЛОЛА». Дар Душанбе таҳти чунин унвон Фестивали гулҳо баргузор мегардад
Форуми V байналмилалии «Наврӯзи Душанбе – меҳвари робитаҳои фарҳангию сайёҳӣ» баргузор мегардад
Дар Деҳлӣ ҳамкории Тоҷикистон ва Ҳиндустон дар соҳаи саноат ва технологияҳои муосир баррасӣ шуд
Дар Душанбе ба ифтихори Рӯзи Қувваҳои Мусаллаҳи Ҷумҳурии Тоҷикистон чорабинии бошукуҳ баргузор гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Вахш корхонаи истеҳсоли маҳсулоти полиэтиленӣ ба фаъолият оғоз намуд
Вазири саноат ва технологияҳои нав бо муовини Сарвазир – Вазири зеҳни сунъӣ ва рушди рақамии Қазоқистон вохӯрӣ намуд
Тоҷикистон ҳамкориро бо Италия барои воридоти технологияҳои истеҳсолӣ тақвият медиҳад
Тоҷикистон ҳамкориро бо «Google DeepMind» дар соҳаи рушди зеҳни сунъӣ густариш медиҳад
Дар Саммити байналмилалии «AI Impact Summit» татбиқи зеҳни сунъӣ дар идоракунии давлатии Тоҷикистон муаррифӣ шуд
Роҳбарияти Корпоратсияи «Microsoft» барои густариши ҳамкорӣ бо Тоҷикистон дар самти рушди зеҳни сунъӣ изҳори омодагӣ намуд
