Дар Панҷакент Форуми минтақавии саводнокии молиявӣ баргузор шуд
ДУШАНБЕ, 18.07.2024. /АМИТ «Ховар»/. 16 июл дар шаҳри Панҷакент Форуми минтақавии саводнокии молиявӣ, дар доираи лоиҳаи «Идоракунии захираҳои табиӣ барои рушди одилона ва устувор дар водии Зарафшон» баргузор гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Панҷакент хабар медиҳад.
Бояд гуфт, ки лоиҳаи мазкур давоми 5 сол аст, ки дар ноҳияҳои Айнӣ, Кӯҳистони Мастчоҳ ва шаҳри Панҷакент амалӣ мегардад.
Раиси шаҳри Панҷакент Абдухолиқ Холиқзода, иброз дошт, ки маърифати баланди молиявӣ, тақозои раванди ислоҳоти густурдаи иқтисодӣ буда, дар ҳамбастагӣ бо технологияҳои рақамии бонкӣ, низоми ғайринақдии хидматрасонӣ ба ташаккули системаи молиявии устувор, самаранок ва бехатар мусоидат менамояд ва тавсеаи он дар «Барномаи миёнамуҳлати рушди иқтисоди рақамӣ дар Ҷумҳурии Тоҷикистон барои солҳои 2021-2024» пешбинӣ шудааст.
Намояндагии бонкҳои тиҷоратӣ дар шаҳри Панҷакент мавзуъҳои баланд бардоштани маърифати молиявии аҳолӣ, нақши бонкҳо дар рақамикунонии хидматрасонӣ, воситаҳои рақамӣ барои беҳтар намудани хидматрасониҳои молиявӣ, амнияти хидматрасониҳои бонкии рақамӣ, нақши ҳисоббаробаркуниҳои ғайринақдӣ дар рушди соҳаи бонкдориро матраҳ намуданд.
Ёдовар мешавем, ки баланд бардоштани маърифати молиявӣ, рақамикунонии иқтисод, гузаштан ба пардохтҳои ғайринақдӣ, истифодаи босамар аз маҳсулотҳои бонкӣ аз масъалаҳоест, ки бо дастури Президенти Ҷумҳурии Тоҷикистон муҳтарам Эмомалӣ Раҳмон мавриди таваҷҷӯҳи Ҳукумати мамлакат қарор дорад.
АКС: Мақомоти иҷроияи ҳокимияти давлатии шаҳри Панҷакент
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
Намояндаи Тоҷикистон дар ҷаласаи Раёсати Шурои соҳибкории СҲШ дар Бишкек иштирок намуд
Дар Форуми сармоягузории СҲШ имкониятҳои сармоягузории Тоҷикистон муаррифӣ гардид
Иқтидорҳои гидроэнергетикии Тоҷикистон дар муколамаи панелии Форуми OPEC дар Вена муаррифӣ шуд
