Дар Тоҷикистон 66 Қасри фарҳанг барои баргузории барномаҳои фарҳангию фароғатӣ фаъолият дорад
ДУШАНБЕ, 23.07.2024 /АМИТ «Ховар»/. Дар Тоҷикистон 66 Қасри фарҳанг, ки онҳо дорои толорҳои бузургу барҳаво ва ҷойҳои зиёди нишаст буда, бо муосиртарин шароит барои гузаронидани маҳфилу ҷамъомадҳо, барномаҳои фарҳангӣ ва машқу тамрини дастаҳои ҳунарӣ таъмин мебошанд, фаъолият дорад. Ҳамзамон дар мамлакат 670 хонаи фарҳангӣ ба қайд гирифта шудааст. Дар ин хусус 22 июл зимни нишасти матбуотии Вазорати фарҳанги Ҷумхурии Тоҷикистон иттилоъ дода шуд.
Дар нишасти хабарӣ ҳамчунин гуфта шуд, ки барои давом додани сохтмони Қасри фарҳанги ноҳияи Нуробод 1 миллиону 100 ҳазор сомонӣ, сохтмони Қасри фарҳанги ноҳияи Шаҳринав 1миллиону 830 ҳазор сомонӣ, барои маркази фарҳангӣ дар деҳаи Палдораки ноҳияи Мастчоҳ 2 миллион сомонӣ, барои сохтмони Қасри фарҳанг дар ноҳияи Ховалинг 1миллиону 830 ҳазор сомонӣ ва барои корҳои лоиҳакашии Қасри фарҳанг дар ноҳияи Ишкошим ва китобхона дар ноҳияи Қубодиён 340 ҳазор сомонӣ ҷудо гардидааст.
Мавриди ёдоварист, ки дар ноҳияҳои Рошқалъа ва Мурғоби Вилояти Мухтори Кўҳистони Бадахшон, ноҳияҳои Шаҳринаву Лахш ва шаҳри Ваҳдат низ Кохи фарҳанг бунёд карда мешавад.
Бояд гуфт, ки дар дохили қасрҳои фарҳанг ҳуҷраҳои алоҳидаи либосивазкунию пардозгарӣ барои ҳунармандон ва утоқҳои корӣ барои маъмурият бунёд гардидаанд. Дар онҳо маҳфилҳои ҳунармандӣ, аз қабили навозандагию сарояндагӣ, рақс, ҳунарҳои мардумӣ, толори шашкаю шоҳмот амал намуда, ҳамзамон китобхонаҳои электронию анъанавӣ ҷойгир карда шудаанд.
АКС: АМИТ «Ховар»
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ИМРӮЗ — РӮЗИ РӮДАКӢ. Ба ин муносибат конференсияи байналмилалии илмӣ-назариявӣ доир мешавад
Моҳи октябр Намоишгоҳи чордаҳуми байналмилалии «Китоби Душанбе» баргузор мегардад
