Кумитаи ҳолатҳои фавқулода ва мудофиаи граждании Тоҷикистон баҳри пешгирии офатҳои табиӣ корҳои пешгирикунанда мегузаронад
ДУШАНБЕ, 31.07.2024. /АМИТ «Ховар»/. Имсол аз ҷониби Комиссияи давлатии Ҷумҳурии Тоҷикистон оид ба ҳолатҳои фавқулода се фармоиш қабул гардид, ки мақсади он пешгирии офатҳои табиӣ ва кумак ба оилаҳои зарардида аз офатҳои табиӣ мебошад. Дар ин хусус Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода имрӯз зимни нишасти матбуотӣ ба хабарнигорон иттилоъ дод.
Зимни нишаст гуфта шуд, ки ҳамасола тибқи нақшаи Кумита дар ҳамаи мавзеъҳои хавфнок корҳои пешгирикунанда вобаста ба офатҳои табиӣ анҷом дода мешаванд.
Сардори Сарраёсати ҳифзи аҳолӣ ва ҳудуди Кумитаи ҳолатҳои фавқулода ва мудофиаи гражданӣ Ҷамшед Камолзода зимни нишаст вобаста ба ин масъала иброз намуд, ки «Кӯлоб аз лиҳози офатҳои табиӣ яке аз минтақаҳои осебпазир ба шумор меравад. Ҳамасола аз ҷониби Ҳукумати Ҷумҳурии Тоҷикистон ба ин минтақа масолеҳи сохтмонӣ ҷудо гардида, корҳои соҳилбандӣ, рехтани тахтасангҳои оҳану бетонӣ дар ҷойҳои хавфнок баҳри пешгирии зарари офатҳои табиӣ гузаронида мешаванд».
Иттилоъ дода шуд, ки бо вуҷуди анҷом додани корҳои пешгирикунанда имсол офатҳои табиии зиёд ба амал омаданд, аммо хисорот ва талафоти ҷонӣ даҳҳо маротиб кам ба назар расид.
Аз 15 апрел то охири моҳи май дар мамлакат 256 ҳолати хатарноки офатҳои табиӣ ба амал омада, дар натиҷа 15 ҳолати фавт сабт шуд. Соли 2023 51 ҳолати фавт сабт шуда буд.
Ба иттилои Ҷамшед Камолзода, имсол аз ҷониби Ҳукумати Ҷумҳурии Тоҷикистон барои корҳои соҳилбандӣ, рехтани тахтасангҳои оҳану бетонӣ ва масолеҳи сохтмонӣ зиёда аз 19 миллион сомонӣ маблағ ҷудо гардидааст. Дар айни замон корҳо дар ин самт дар ҳамаи шаҳру ноҳияҳои мамлакат идома доранд.
Моҳинави НАВРӮЗ,
АМИТ «Ховар»
АКС: АМИТ «Ховар»
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
