Намояндаи Осорхонаи миллӣ дар ҳамоиши «Долонҳои мероси Роҳи Абрешим дар Осиёи Марказӣ» дар Остона иштирок намуд
ДУШАНБЕ,15.07.2024/АМИТ «Ховар»/. Бо ташаббуси Дафтари минтақавии ЮНЕСКО дар шаҳри Остонаи Қазоқистон оид ба барномаи «Долонҳои мероси Роҳи Абрешим дар Осиёи Марказӣ» ҳамоиш баргузор гардид, ки дар он намояндагони Осорхонаҳои миллии Тоҷикистон, Қазоқистон, Узбекистон, Қирғизистон ва Туркманистон иштирок ва маърӯза намуданд, хабар медиҳад АМИТ «Ховар» бо истинод ба Осорхонаи миллии Тоҷикистон.
Тақвияти иқтидори мутахассисони соҳаи мероси таърихӣ ва фарҳангии осорхонаҳои минтақа аз ҳадафҳои асосии ин ҳамоиш буд.
Сармутахассиси шуъбаи таърихи бостон ва асрҳои миёнаи Осорхонаи миллии Тоҷикистон Мафтун Қиматшоев дар мавзуи «Фаъолияти Осорхонаи миллӣ дар самти ҳифз ва муаррифии мероси фарҳангӣ» бо рӯнамо маъруза намуд. Номбурда доир ба фаъолияти экспазитсионӣ, бостоншиносӣ, тармиму таҳким ва намоишҳои байналмилалии Осорхонаи миллии Тоҷикистон ба иштирокдорон маълумоти муфассал пешниҳод намуд.
Лоиҳаи барномаи «Долонҳои мероси Роҳи Абрешим дар Осиёи Марказӣ — ҷанбаҳои байналмилалии Соли мероси фарҳангии Аврупо» аз соли 2018 ба фаъолият оғоз намуда, ҳадафаш таҳкими иқтидор дар соҳаи ҳифзи мероси фарҳанги моддӣ ва ғайримоддӣ дар давлатҳои Осиёи Марказӣ, инчунин ташвиқу таблиғи мероси фарҳангии муштарак дар роҳи Роҳи Абрешим мебошад. Лоиҳа дар ҳамкорӣ бо мақомоти давлатӣ ва маҳаллӣ, аз ҷумла мақомоти масъули рушди сайёҳӣ амалӣ карда мешавад.
АКС: Осорхонаи миллии Тоҷикистон
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
Маҷмааи эҳёи хотираи таърихӣ ва таҳкими ҳувияти миллӣ дар Душанбе метавонад чун маркази омӯзишӣ барои ҷавонон хизмат намояд
Имрӯз дар ноҳияҳои кӯҳӣ ва доманакӯҳии Тоҷикистон бориши борон ва барф дар назар аст
Имрӯз дар шаҳри Душанбе ҳавои тағйирёбандаи бебориш пешгӯӣ мешавад
Бо мақсади омӯзиши нуктаҳои асосии Паёми Президенти Тоҷикистон дар шаҳри Роғун ҳамоиш доир шуд
Дар Душанбе ҷашни Сада ва намоиши тухмии зироати кишоварзӣ баргузор мегардад
