«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
ДУШАНБЕ,11.07.2024/АМИТ «Ховар»/. «Ду равияи як рассом» таҳти чунин унвон дар Осорхонаи миллии Тоҷикистон намоиши мусаввараҳои рассоми шинохтаву навовари тоҷик, муаллифи ду равияи эҷодии рассомӣ, барандаи ҷоизаҳои рассомии байналмилалӣ, академик Зокир Собиров ифтитоҳ гардид. Намоиши мазкур то 20 июли соли равон идома меёбад. Дар ин хусус АМИТ «Ховар» бо истинод ба Осорхонаи миллӣ иттилоъ медиҳад.
Қабл аз ифтитоҳи расмии намоиш, ҳамоиши донишмандону санъатшиносон оид ба эҷодиёти рассом Зокир Собиров баргузор гардида, вобаста ба ин мавзуъ андешаҳои мутахассисон шунида шуданд.
Дар намоиш намунаҳои барҷастаи эҷодиёти рассом дар самти табиатнигорӣ, ороишоти саҳнавӣ, меъморӣ, чеҳраофарӣ ва дигар усулҳои рассомӣ дар қолаби ду равияи эҷоднамудаи рассом – «Нурворизм» ва «Танворизм» ба маърази тамошо гузошта шуд.
Зокир Собиров муаллифи ду равияи эҷодии рассомӣ дар таърихи наққошии ҷаҳон мебошад, ки ин равияҳоро бо номҳои миллии тоҷикӣ – «Нурворизм» ва «Танворизм» ба ҷомеаи байналмилалӣ пешниҳод ва муаррифӣ намудааст. Равияҳои ӯ дар фарҳанги наққошии миллию ҷаҳонӣ падидаи ҷадид маҳсуб шуда, бо вижагиҳои эҷодӣ ва унсурҳои табиияшон ҳамчун сарвати миллии тоҷикӣ эътироф мешаванд.
Осори академик Зокир Собиров дар намоишгоҳҳои байналмилалию ҷаҳонӣ бо номи миллии тоҷикӣ муаррифӣ ва рӯнамоӣ шуда, маҳз навоварии эҷодӣ ва вижагии хоси ин асарҳо будааст, ки дар чандин намоишгоҳҳои байналмилалӣ сазовори ҷоизаву шоҳҷоизаҳо гардидаанд. Аз ҷумла, чор медали тилло дар солҳои 2015, 2019, 2020, 2021 дар Ню-Йорки Амрико, шоҳҷоизаи «Уқоби тиллоӣ» дар Амрико ва ҷоизаи «Беҳтарин рассом» дар соли 2018 дар Украина аз зумраи онҳо мебошанд.
АКС: Осорхонаи миллии Тоҷикистон
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
Дар Муассисаи давлатии «Боғи Ирам»-и шаҳри Душанбе даврии ниҳоии Озмуни ҷумҳуриявии «Ҳунар омӯз…» оғоз шуд
РОҲИ НАВИ ДӮСТИИ НАСЛҲО. Таҳти чунин унвон дар Душанбе ҳамоиши табодули гуманитарии Тоҷикистону Чин доир гардид
Дар ҷамъбасти даври шаҳрии Озмуни ҷумҳуриявии «Тоҷикистон — Ватани азизи ман» дар Ҳисор 44 нафар ғолиб шуданд
Олимони Академияи миллии илмҳои Тоҷикистон дар Форуми илмӣ — техникии «Чин-Осиёи Марказӣ» иштирок намуданд
