«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
ДУШАНБЕ, 10.07.2024 /АМИТ «Ховар»/. Шурои ҷамъиятии назди Сафорати Ҷумҳурии Тоҷикистон дар Федератсияи Русия бо мақсади бузургдошти алломаи Шарқ Абуалӣ Ибни Сино озмуни мақолаи беҳтаринро таҳти унвони «Саҳми Ибни Сино дар ташаккули тибби қадим ва муосир: осори илмӣ, таҷриба ва назария» эълон менамояд.
Тавре АМИТ «Ховар» бо истинод ба Шурои ҷамъиятии назди Сафорати Ҷумҳурии Тоҷикистон дар Русия хабар медиҳад, озмун дар қаламрави Федератсияи Русия ва берун аз он баргузор карда шуда, дар он намояндагони касбу кори гуногун, алоқамандони осори Ибни Сино, табибон, ҳамшираҳои шавқат, ординаторон, донишҷӯёни равияи тиббӣ ва олимону муҳаққиқони соҳаи тиб иштирок карда метавонанд.
Бо мақсади муайян намудани беҳтарин мақолаҳои илмӣ-публисистӣ дар бораи ҳаёт ва фаъолият, осори эҷодӣ, амалияи фаъолияти тиббӣ, назарияи фалсафӣ ва илмии Ибни Сино дар иртибот ба саҳми арзишманди Абуалӣ Ибни Сино дар соҳаи тибби ҷаҳонӣ Кумитаи тадорукот таъсис дода шуда, қабули мақолаҳо то 13 августи соли 2024, соати 18:00 ба вақти Москва тавассути суроғаи электронии tojikon.pressa@list.ru қабул карда мешаванд.
Мақолаҳои пешниҳодгардида бо забонҳои тоҷикӣ, русӣ ва англисӣ дар шакли электронӣ бо ҳуруфи Times New Roman Tj, андозаи ҳуруфи 14, дар ҳаҷми на кам аз 4 саҳифаи компютерӣ то 13 августи 2024 қабул карда мешаванд.
Ғолибони озмуни мақолаи беҳтарин муайян карда шуда, аз ҷониби Шурои ҷамъиятӣ бо Диплом, туҳфаҳои пуливу хотиравӣ сарфароз гардонида мешаванд.
АКС: Шурои ҷамъиятии назди Сафорати Ҷумҳурии Тоҷикистон дар Федератсияи Русия
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
