Дар Душанбе Рӯзи кормандони хадамоти ҳолатҳои фавқулода ва мудофиаи гражданӣ таҷлил гардид

Август 17, 2024 13:05

ДУШАНБЕ, 17.08.2024. /АМИТ «Ховар»/. Имрӯз дар Театри давлатии академии опера ва балети Тоҷикистон ба номи Садриддин Айнӣ бахшида ба 30-солагии таъсиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ва Рӯзи кормандони хадамоти ҳолатҳои фавқулода ва мудофиаи гражданӣ бо иштироки кормандон ва собиқадорони соҳа ҷамъомади идона баргузор шуд.

Тавре мухбири АМИТ «Ховар» аз ҷараёни баргузории ин чорабинӣ хабар медиҳад, пеш аз оғози ҳамоиши тантанавӣ, дар майдони Театри давлатии академии опера ва балети Тоҷикистон ба номи Садриддин Айнӣ техника ва таҷҳизоти вазнини муҳандисӣ аз ҳисоби мошинҳои бокаши наҷотдиҳӣ, аз ҷумла мошинҳои боркаше, ки ҳангоми корҳои пешгирикунандаи ҳолатҳои фавқулода истифода бурда мешаванд, техникаҳои мониторинги мавзеъҳои хавфнок, квадракопторҳо, таҷҳизоти наҷотдиҳӣ, тиббӣ, ҳамчуни таҷҳизоти махсусе, ки барои ғаввосон ҳангоми пешбурди корҳои ғаввосӣ дар чуқурии зиёда аз 30 метр истифода бурда мешавад, ба намоиш гузошта шуданд.

Дар оғози ҷамъомади тантанавӣ Котиби Шӯрои амнияти Ҷумҳурии Тоҷикистон Насрулло Маҳмудзода Паёми шодбошии Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба иштирокдорон расонида, иброз дошт, ки тайи се даҳсолаи сипаригардида Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон тавонист, ки таҷрибаи пешрафтаи ҷаҳониро дар самти ҳалли масъалаҳои мудофиаи гражданӣ, ҳифзи аҳолӣ ва ҳудуди мамлакат аз худ намуда, ба неруи қудратманди низомӣ табдил ёбад.

Дар ҷамъомад иброз гардид, ки имрӯз кумита дорои инфрасохтори муосири маъмурӣ буда, аз ҷумла Маркази ҷумҳуриявӣ, таълимию методӣ, Раёсати хадамоти махсусгардонидашудаи кофтуковӣ ва наҷотдиҳӣ, Маркази милли омодасозии наҷотдиҳандагон, Хадамоти зиддижола, техникаву таҷҳизоти замонавӣ, ситодҳо ва иншооти ёрирасони қисмҳои ҳарбӣ мебошад.


Таъкид гардид, ки Ҳукумати ҷумҳурӣ ба масъалаи иқтидори кадрии кумита таваҷҷуҳи махсус зоҳир намуда, ҷиҳати омода намудани кадрҳои касбии баландихтисоси соҳа, хусусан фармондеҳони ҷузъу томҳо ва наҷотдиҳандагон дар дохилу хориҷи мамлакат тадбирҳои муҳиму саривақтӣ меандешад.

Ҳамоиши идона бо пешниҳоди барномаи фарҳангӣ, ки аз ҷониби устодони санъати тоҷик таҳия гарида буд, ба анҷои расид.

Ёдовар мешавем, ки аз соли 1994 инҷониб дар мамлакат ҳамасола 17 август Рӯзи кормандони хадамоти ҳолатҳои фавқулода ва мудофиаи гражданӣ таҷлил мегардад. Ин сана ба рӯзи ташкили Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, ки 17 августи соли 1994 таъсис ёфтааст, рабт дорад.

Тибқи иттилои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, дар давои 30 сол зиёда аз 6 ҳазор шаҳрвандони мамлакат аз офатҳои табиӣ ва техногенӣ аз ҷониби кормандони ҳолатҳои фавқулода ва мудофиаи гражданӣ наҷот дода шудаанд.

Бояд гуфт, ки ҳайати кормандони кумита бо ҳисси баланди масъулият ҳамеша дар ҳолати омодагӣ қарор дошта, дар лаҳзаҳои мушкилтарин ба кумаку наҷоти мардум мешитобанд ва мардум низ ба онҳо эътимоди комил дорад.

Барои пешгирӣ аз ҳолатҳои фавқулода ва мудофиаи гражданӣ ва иҷрои фармону қарорҳои Ҳукумати ҷумҳурӣ аз тарафи Ҳукумати мамлакат дар самти пешгирӣ ва бартарафсозии оқибатҳои ҳолатҳои фавқулода техникаҳои замонавӣ ва зарурӣ харидорӣ карда шудааст, ки ба соҳаи ҳолатҳои фавқулода имкон медиҳад, ки дар самти пешгирӣ, коҳиш ва рафъи ҳолатҳои фавқулода босамар фаъолият намояд.

 

Моҳинави НАВРӮЗ,
Тоҳир САИД (АКС),
АМИТ «Ховар»

Август 17, 2024 13:05

Хабарҳои дигари ин бахш

«ТОҶИКИСТОН, ПАРЧАМАТ БОДО ПАРАФШОН!». Парчами давлатӣ рамзи истиқлолу соҳибихтиёрӣ, ваҳдати миллӣ ва шарафу номуси миллат аст
Дар доираи «Барномаи омодасозии мутахассисон аз ҳисоби ҷавонон барои соҳаҳои иқтисодиёт» беш аз 41 ҳазор нафар бо ҷойи кор таъмин гардид
Дар Вазорати адлияи Тоҷикистон бахшида ба Рӯзи Парчами давлатӣ ҳамоиши илмӣ доир шуд
Дар шаш муассисаи тиббии шаҳри Душанбе барномаи рақамии «eTib» фаъол гардид
Вазири меҳнат, муҳоҷират ва шуғли аҳолии Тоҷикистон дар Конфронси Вена оид ба муҳоҷират иштирок намуд
Дар Душанбе бахшида ба татбиқи Ёддошти тафоҳум дар соҳаи тандурустӣ байни Тоҷикистон ва Амрико чорабинӣ баргузор шуд
Барномаи ҳамкорӣ байни Хадамоти иҷрои Тоҷикистон ва Бюрои иҷрои маҷбурии Узбекистон ба имзо расид
Конгресси байналмилалии «Инсон ва дору» баргузор гардид
Пешгирии бемориҳои сироятӣ масъулияти ҳар шаҳрванд аст
Дар Пекин масъалаҳои рушди қонунгузорӣ ва таҷрибаи муосири давлатдорӣ баррасӣ гардиданд
Дар Москва ҷаласаи 11-уми Алянси Авруосиёии омбудсменҳо баргузор гардид
Бахшида ба Рӯзи Президент дар вилояти Суғд роҳпаймоии идона баргузор шуд