Дар корхонаи дӯзандагии «Ҷамолбӣ»-и ноҳияи Муъминобод барои 1100 хонанда либоси мактабӣ дӯхта шуд
МУЪМИНОБОД, 29.08.2024 /АМИТ «Ховар»/. Дар корхонаи дӯзандагии «Ҷамолбӣ»-и ноҳияи Муъминобод барои 1100 хонанда либоси ягонаи мактабӣ дӯхта шуд.
Тавре роҳбари корхона Нураҳмад Мирзоев ба хабарнигори минтақавии АМИТ «Ховар» Сулаймон Холзода иттилоъ дод, мақсад аз таъсис додани корхона бо ҷойи кори доимӣ таъмин намудани занон ва духтарон, инчунин бо сифати баланд дӯхтани либоси мактабӣ мебошад. Корхона бо 21 муассисаи таълимӣ шартнома дошта, хонандагонро бо либоси ягонаи мактабӣ таъмин менамояд.
Масъулини корхона ба 12 нафар ятими кулл, 5 нафар нимятим ва ба 20 нафар хонанда аз оилаҳои камбизоат ба тариқи ройгон либоси ягонаи мактабӣ тақдим намуда, тасмим гирифтаанд, ки ин амали хайрро идома диҳанд. Дар корхона ҳоло 13 дӯзандаи таҷрибадор фаъолият доранд. Корхона дар оянда имкон дорад то 10 нафар дӯзандаро ба кор қабул намояд.
Дар дохили корхона бунгоҳи тиббӣ, мағоза, осиёб, дорухона, дорухонаи байторӣ, корхонаи пахтатозакунӣ ва толори варзишӣ мавҷуд мебошанд.
Дар ноҳияи Муъминобод 558 соҳибкори инфиродӣ фаъолият доранд. Онҳо тасмим гирифтаанд, ки чунин корхонаҳоро дар ноҳия бештар таъсис дода, дар рушди соҳаи саноат саҳм гузоранд.
АКС: АМИТ « Ховар»
МАВЛОНО-ОФТОБИ МАЪРИФАТИ БАШАРӢ. Таҳти ин унвон ҳамоиши илмӣ – адабӣ доир шуд
Даври ниҳоии Озмуни ҷумҳуриявии «Омӯзгори сол — Тоҷикистон-2026» оғоз гардид
Натиҷаҳои озмуни тақсимоти давраи сеюми имтиҳонҳои марказонидаи дохилшавӣ муайян мегарданд
Даври ҷумҳуриявии озмуни «Мураббии сол — Тоҷикистон-2026» оғоз гардид
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
